ಚುಟುಕು ಸಾಹಿತ್ಯ ಪರಿಷತ್ ಜಿಲ್ಲಾಲ್ಲಾಧ್ಯಕ್ಷ ಬೀರಪ್ಪ ಶಂಭೋಜಿ ಮಾತನಾಡಿ, ಈ ಭಾಗದ ಕಲೆ, ಪರಂಪರೆ ಉಳಿಸಿ-ಬೆಳೆಸುವಲ್ಲಿ ಕಲಾವಿದರು ನೀಡಿದ ಕೊಡುಗೆ ಅನನ್ಯವಾಗಿದೆ. ಚಿತ್ರಕಲೆ ನಮ್ಮ ಇತಿಹಾಸ ಬಿಂಬಿಸುತ್ತದೆ. ಕಲಾವಿದರು ಅಂತಾರಾಷ್ಟ್ರೀಯ ಮಟ್ಟದದಲ್ಲಿ ಖ್ಯಾತಿ ಪಡೆದಿದ್ದಾರೆ. ವಿರಿಂಚಿ ಆರ್ಟ್ ಗ್ಯಾಲರಿಗೆ ತಮ್ಮ ಕೆಳಮನೆಯನ್ನೇ ನೀಡಿರುವ ಶಿವಾನಂದ ಸಾತಿಹಾಳರ ಕಲಾ ಪ್ರೀತಿ ಎಲ್ಲರಿಗೂ ಮಾದರಿ ಎಂದರು. ನಿವೃತ್ತ ಚಿತ್ರಕಲಾ ಶಿಕ್ಷಕ ಟಿ.ಬಿ.ಬಡಿಗೇರ ಮಾತನಾಡಿ, ಕಲಾ ಜಗತ್ತಿನ ವಿಸ್ತಾರ ದೊಡ್ಡದಿದೆ. ಎಷ್ಟು ಆಳಕ್ಕಿಳಿದರೂ ಕೊನೆ ಎನ್ನುವುದು ಇಲ್ಲ. ತಾಲೂಕಿನ ಮೂವರು ಕಲಾವಿದರು ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಹೆಸರು ಮಾಡಿರುವುದು ಹೆಮ್ಮೆಯ ಸಂಗತಿ ಎಂದರು. ನೂತನ ಕಲಾ ಮಹಾವಿದ್ಯಾಲಯ ಪ್ರಾಚಾರ್ಯ ರಮೇಶ ಸಜ್ಜನ್ ಮಾತನಾಡಿ, ನಮ್ಮ ಮಹಾವಿದ್ಯಾಲಯದ ವಿದ್ಯಾರ್ಥಿಗಳು ಕಲಾ ಜಗತ್ತು ಬೆಳೆಗಿಸುತ್ತಿರುವುದು ತೃಪ್ತಿ ತಂದಿದೆ. ಸಾಲ ಮಾಡಿ ಸಂಸ್ಥೆ ಉಳಿಸಿರುವೆ, ಚಿತ್ರಕಲೆಯನ್ನು ಪ್ರೋತ್ಸಾಹಿಸುವ ಕೆಲಸವಾಗಬೇಕಿದೆ ಎಂದರು.
