ಫೆ. 19ರಂದು ಬೆಳಗ್ಗೆ 7ಕ್ಕೆ ಪತ್ರಿವನ ಮಠದ ಡಾ. ಗುರುಸಿದ್ಧವೀರ ಶಿವಾಚಾರ್ಯರ ಸಾನ್ನಿಧ್ಯದಲ್ಲಿ ಷಟ್ಸ್ಥಲ ಧ್ವಜಾರೋಹಣ ನೆರವೇರಲಿದೆ. ಫೆ. 19ರಿಂದ ಮಾ. 1ರವರೆಗೆ ಪ್ರತಿದಿನ ಸಾಂಯಕಾಲ 7ರಿಂದ 8 ಗಂಟೆಯವರೆಗೆ ನವಲಗುಂದ ಆಜಾತ ನಾಗಲಿಂಗ ಅಜ್ಜನ ಚರಿತ್ರೆ ಪ್ರವಚನ ನಡೆಯಲಿದೆ. ಫೆ. 27ರಂದು ಸಂಜೆ 8 ಗಂಟೆಗೆ ಧರ್ಮಸಭೆ ಜರುಗಲಿದೆ. ಬಾಳೆಹೊನ್ನೂರಿನ ರಂಭಾಪುರಿ ಡಾ.ವೀರಸೋಮೇಶ್ವರ ಜಗದ್ಗುರುಗಳು ಸಾನ್ನಿಧ್ಯ ವಹಿಸುವರು. ಡಾ. ಶಾಂತಲಿಂಗ ಶಿವಾಚಾರ್ಯ ಸ್ವಾಮೀಜಿಗಳು, ವಾಗೀಶ ಪಂಡಿತಾರಾಧ್ಯ ಶಿವಾಚಾರ್ಯ ಸ್ವಾಮೀಜಿ, ಅಭಿನವ ಕಾಡಸಿದ್ಧೇಶ್ವರ ಶಿವಾಚಾರ್ಯರು, ಮಾಬುಸುಭಾನಿ ದರ್ಗಾದ ಬಾಬೂ ಅಜ್ಜನವರು. ಶಾಸಕ ಸಿ.ಸಿ. ಪಾಟೀಲ, ಅನ್ನಪೂರ್ಣಾ ಯಲಿಗಾರ, ಇತರರು ಭಾಗಿಯಾಗಲಿದ್ದಾರೆ.
