ಸಂಘ ಪರಿವಾರದವರಿಗೇ ರಕ್ಷಣೆ ನೀಡಿಲ್ಲ ಎಂದರೆ ಬೇರೆಯವರಿಗೆ ಹೇಗೆ ರಕ್ಷಣೆ ನೀಡಲು ಸಾಧ್ಯ? ರಾಜ್ಯದ ಜನರಿಗೆ ರಕ್ಷಣೆ ನೀಡಲು ಸಾಧ್ಯವಾಗದಿದ್ದರೆ ರಾಜೀನಾಮೆ ನೀಡಿ ಹೋಗಲಿ ಎಂದರು. ಮುಖ್ಯಮಂತ್ರಿಯಾದವರು ಪ್ರವೀಣನ ಮನೆಗೆ ಹೋಗುತ್ತಾರೆ, ಫಾಸಿಲ್ ಮನೆಗೆ ಹೋಗುತ್ತಿಲ್ಲ. ಸಿಎಂ ಒಂದು ಧರ್ಮಕ್ಕೆ ಮಾತ್ರನಾ? ಎಲ್ಲರ ಮನೆಗೂ ಹೋಗಬೇಕು, ಎಲ್ಲರಿಗೂ ಪರಿಹಾರ ನೀಡಬೇಕು. ನಾನು ಸಿಎಂ ಇದ್ದಾಗ 23 ಹತ್ಯೆ ಆಗಿತ್ತು, ಅದರಲ್ಲಿ 12 ಹತ್ಯೆ ಮುಸ್ಲಿಮರದ್ದು. 11 ಹತ್ಯೆ ಹಿಂದುಗಳದ್ದು. ಎಲ್ಲರ ಮನೆಗೂ ನಾನು ಭೇಟಿ ನೀಡಿದ್ದೆ. ಕೊಲೆಯಾದವರ ಕುಟುಂಬದವರಿಗೆ ಪರಿಹಾರ ನೀಡುವ ಪರಿಪಾಠ ಹುಟ್ಟುಹಾಕಿದ್ದೇ ಬಿಜೆಪಿ. ಆ ಪರಿಹಾರ ಜನರ ಹಣ ಅಲ್ಲವೇ? ಎಂದರು.
