ವಿಶ್ವಾಸ ಕಳಕೊಂಡ ಸರ್ಕಾರ: ಕರ್ನಾಟಕದಲ್ಲಿರುವುದು ದೇಶದ ಅತ್ಯಂತ ಭ್ರಷ್ಟ ಸರ್ಕಾರ. ಇದು ಜನರ ವಿಶ್ವಾಸವನ್ನು ಕಳೆದುಕೊಂಡಿದೆ. ಕಾಲ ಬಂದಾಗ ಎಲ್ಲದಕ್ಕೂ ಉತ್ತರ ಸಿಗಲಿದೆ ಎಂದು ಕೆಪಿಸಿಸಿ ಅಧ್ಯಕ್ಷ ಡಿ.ಕೆ.ಶಿವಕುಮಾರ್ ಹೇಳಿದ್ದಾರೆ. ನಗರದಲ್ಲಿ ಸುದ್ದಿಗಾರರೊಂದಿಗೆ ಅವರು ರಾಜ್ಯ ರಾಜಕಾರಣದಲ್ಲಿ ಆಗುತ್ತಿರುವ ಬೆಳವಣಿಗೆ ಬಗ್ಗೆ ಮಾತನಾಡಿ, ವಲಸೆಯವರೋ ಇನ್ಯಾರೋ ಗೊತ್ತಿಲ್ಲ; ಅವರ ಪಕ್ಷದ ವಿಚಾರ, ಮುಖ್ಯಮಂತ್ರಿಯಾಗಿ ಯಡಿಯೂರಪ್ಪ ಇದ್ದಾರೆ. ಬದಲಾಯಿಸ್ತಾರೋ, ತೆಗೆಯುತ್ತಾರೋ ಗೊತ್ತಿಲ್ಲ, ಏನಾದರೂ ಮಾಡಲಿ. ಆದರೆ ಸರ್ಕಾರ ರಾಜ್ಯದ ಜನತೆಯ ವಿಶ್ವಾಸ ಕಳೆದುಕೊಂಡಿದೆ. ಕರೊನಾದಿಂದ ಸಾವಿರಾರು ಮಂದಿ ಸತ್ತರು, ಸರ್ಕಾರದಿಂದ ಬೆಡ್ ಆಗಲೀ ಆಕ್ಸಿಜನ್ ಆಗಲೀ ಕೊಡಿಸಲಾಗಿಲ್ಲ, ನಾವೇನೂ ಹೇಳುವುದಿಲ್ಲ, ಚರ್ಚೆ ಕೂಡ ಮಾಡಲ್ಲ, ಕಾಲ ಬಂದಾಗ ಉತ್ತರ ಸಿಗುತ್ತದೆ ಎಂದರು.
