ಸಿದ್ದರಾಮಯ್ಯ ಹಿರಿಯ ರಾಜಕಾರಣಿ. ರಾಜ್ಯದ ಮುಖ್ಯಮಂತ್ರಿ ಆಗಿದ್ದವರು. ಮೇಲಾಗಿ ವಕೀಲರು. ದೇಶದ ಸಂವಿಧಾನ, ಕಾನೂನು, ಸಂಸತ್ತಿನ ಉಭಯ ಸದನಗಳಲ್ಲಿ ಅಂಗೀಕಾರವಾದ ಕಾಯ್ದೆಗಳ ಮಹತ್ವವನ್ನು ಗೊತ್ತಿರಬೇಕು. ಇದಕ್ಕೂ ಮೇಲಾಗಿ ನ್ಯಾಯಾಲಯದಲ್ಲಿ ಪ್ರಕರಣ ಇರುವಾಗ ಏನು ಹೇಳಬೇಕು ಎಂಬುದು ಅರಿತಿರಬೇಕು. ನ್ಯಾಯಾಲಯ ಮೇಲೆ ಗೌರವ, ವಿಶ್ವಾಸ, ನಂಬಿಕೆ ಇಡಬೇಕು. ಇದನ್ನೆಲ್ಲ ಬಿಟ್ಟು ಶಾಹೀನ್ ಸಂಸ್ಥೆಗೆ ಓಡೋಡಿ ಬಂದು, ಪ್ರಕರಣದಲ್ಲಿ ಬಂಧಿತರಿಗೆ ಭೇಟಿಯಾಗಿ ನಿಮ್ಮ ಜೊತೆಗೆ ನಾವಿದ್ದೇವೆ ಎಂದು ಹೇಳಿರುವುದು ಹಾಸ್ಯಾಸ್ಪದ. ಸೋನಿಯಾಗಾಂಧಿ, ರಾಹುಲ್ ಗಾಂಧಿ ಅವರನ್ನು ಮೆಚ್ಚಿಸಲು ಯಾವುದೇ ಕೆಲಸ ಮಾಡಲು ಹೇಸುವುದಿಲ್ಲ ಎಂಬುದಕ್ಕೆ ಇದು ಸಾಕ್ಷಿಯಾಗಿದೆ ಎಂದು ಸಚಿವ ಚವ್ಹಾಣ್ ತಿರುಗೇಟು ನೀಡಿದ್ದಾರೆ.
