* ಹಕ್ಕುಚ್ಯುತಿಯಾಗಿದೆ: ಇತ್ತೀಚೆಗೆ ಹುಬ್ಬಳ್ಳಿಯಲ್ಲಿ ನಡೆದ ಭೂಮಿಪೂಜೆ ಕಾರ್ಯಕ್ರಮಕ್ಕೆ ನನ್ನನ್ನು ಆಹ್ವಾನಿಸಿರಲಿಲ್ಲ. ಹಾಗಾಗಿ ಹೋಗಿಲ್ಲ. ಇದರಿಂದ ಹಕ್ಕುಚ್ಯುತಿಯಾಗಿದ್ದು, ಸಭಾಪತಿಗೆ ಪತ್ರ ಬರೆಯುತ್ತೇನೆ. ಅಂದು ಸಿದ್ಧಾರೂಢ ಮಠ ಇರುವ ಪ್ರದೇಶದಲ್ಲೇ ಕಾರ್ಯಕ್ರಮ ನಡೆದಿದೆ. ಪೂಜಾ ಪದ್ಧತಿಗೆ ನಮ್ಮ ವಿರೋಧವಿಲ್ಲ. ಆದರೆ, ಹಿಂದು ಪರಂಪರೆಯುಳ್ಳ ಮಠದ ಆವರಣದಲ್ಲಿ ಖುರಾನ್ ಪಠಣ ಬೇಡವಾಗಿತ್ತು. ಸರ್ಕಾರಿ ಕಾರ್ಯಕ್ರಮವಾಗಿದ್ದರೆ ಬ್ಯಾನರ್ಗಳಲ್ಲಿ ಕೇವಲ ಕಾಂಗ್ರೆಸ್ ನಾಯಕರ ಫೋಟೊ ಹಾಕಿದ್ದೇಕೆ? ಟ್ರಂಪ್, ಮೋದಿಯವರಿಗೂ ಸಲಹೆ ನೀಡುವ ಸಚಿವ ಸಂತೋಷ ಲಾಡ್ ಅವರೇಕೆ ಇದನ್ನು ಗಮನಿಸಲಿಲ್ಲ? ಎಂದು ಶಾಸಕ ಅರವಿಂದ ಬೆಲ್ಲದ ಪ್ರಶ್ನಿಸಿದರು.
