ಶ್ರೀ ರಣದಾಂಬಿಕೆ ಮೆರವಣಿಗೆ ಅದ್ದೂರಿ

ಅಳವಂಡಿ: ಸಮೀಪದ ಕವಲೂರಿನಲ್ಲಿ ಶ್ರೀ ರಣದಾಂಬಿಕೆ ಜಾತ್ರೆ ಅಂಗವಾಗಿ ದೇವತೆಯರ ಮೆರವಣಿಗೆ ಭಾನುವಾರ ಅದ್ದೂರಿಯಾಗಿ ಜರುಗಿತು.

ಇದನ್ನೂ ಓದಿ: ತ್ವರಿತವಾಗಿ ಏತ ನೀರಾವರಿ ಕಾಮಗಾರಿ ಪೂರ್ಣ: ಕವಲೂರಿನಲ್ಲಿ ಸಂಸದ ಸಂಗಣ್ಣ ಕರಡಿ ಹೇಳಿಕೆ

ರಣದಾಂಬಿಕೆ ದೇವಿ, ಗಾಳೆಮ್ಮ, ಮಾಯಮ್ಮ, ಶ್ರೀ ಸಾರಿ ದುರ್ಗಮ್ಮ, ಶ್ರೀ ಚಂಗಳಿ ದುರ್ಗಮ್ಮದೇವಿಗೆ ಹೂಗಳಿಂದ ಅಲಂಕರಿಸಿ ವಿಶೇಷ ಪೂಜೆ ಸಲ್ಲಿಸಲಾಯಿತು. ಭಕ್ತರು ಪೂಜೆ ಸಲ್ಲಿಸಿ ಉಡಿ ತುಂಬಿದರು.

ನಂತರ ಅಲಂಕೃತ ಅಡ್ಡಪಲ್ಲಕ್ಕಿಯಲ್ಲಿ ಐದೂ ದೇವತೆಯರ ಮೂರ್ತಿಯನ್ನಿರಿಸಿ ಸಕಲ ವಾದ್ಯ ಮೇಳದೊಂದಿಗೆ ಗ್ರಾಮದ ಪ್ರಮುಖ ಬೀದಿಗಳಲ್ಲಿ ಮೆರವಣಿಗೆ ಸಾಗಿ ಬನ್ನಿ ಮಹಾಂಕಾಳಿಗೆ ಪೂಜೆ ಸಲ್ಲಿಸಿ ಹಳ್ಳಕ್ಕೆ ತೆರಳಿ ಗಂಗಾ ಪೂಜೆ ನೆರವೇರಿಸಲಾಯಿತು. ನಂತರ ದೇವಸ್ಥಾನ ತಲುಪಿತು.