ಶ್ರೀ ದುರ್ಗಾ ಸ್ಪೋರ್ಟ್ಸ್, ಟಿಎಸ್​ಸಿಎಗೆ ಜಯ

ಹುಬ್ಬಳ್ಳಿ: ದೇಶಪಾಂಡೆನಗರ ಕೆಜಿಎ ಮೈದಾನದಲ್ಲಿ ಭಾನುವಾರ ಆರಂಭಗೊಂಡ ಶ್ರೀ ದುರ್ಗಾ ಕಪ್-16 ವಯೋಮಿತಿಯ ಕ್ರಿಕೆಟ್ ಟೂರ್ನಿಯಲ್ಲಿ ಶ್ರೀ ದುರ್ಗಾ ಸ್ಪೋರ್ಟ್ಸ್ ಅಕಾಡೆಮಿ ಎ ಹಾಗೂ ತೇಜಲ್ ಶಿರಗುಪ್ಪಿ ಕ್ರಿಕೆಟ್ ಅಕಾಡೆಮಿ (ಟಿಎಸ್​ಸಿಎ) ತಂಡಗಳು ಶುಭಾರಂಭ ಮಾಡಿದವು.

ಮೊದಲ ಪಂದ್ಯದಲ್ಲಿ ಶ್ರೀ ದುರ್ಗಾ ಸ್ಪೋರ್ಟ್ಸ್ ಅಕಾಡೆಮಿ ಎ , ಚಾಂಪಿಯನ್ಸ್ ನೆಟ್ ತಂಡದ ವಿರುದ್ಧ 7 ವಿಕೆಟ್​ಗಳಿಂದ ಜಯಿಸಿದರೆ, 2ನೇ ಪಂದ್ಯದಲ್ಲಿ ಟಿಎಸ್​ಸಿಎ, ಶ್ರೀ ದುರ್ಗಾ ಸ್ಪೋರ್ಟ್ಸ್ ಅಕಾಡೆಮಿ ಬಿ ತಂಡದ ವಿರುದ್ಧ 9 ವಿಕೆಟ್​ಗಳಿಂದ ಗೆಲುವು ದಾಖಲಿಸಿತು.

ಚಾಂಪಿಯನ್ಸ್ ನೆಟ್ ತಂಡ ನಿಗದಿತ 25 ಓವರ್​ಗಳಲ್ಲಿ 8 ವಿಕೆಟ್​ಗೆ 116 ರನ್​ಗಳಿಸಿತ್ತು. ಸಮರ್ಥ ಪಾಟೀಲ 20ರನ್ ಹಾಗೂ ಮುಸ್ತಫಿಜ್ ಜೆ. 19 ರನ್ ಗಳಿಸಿದರು. ಪವನ ಎಸ್. (34ಅ), ಈರಪ್ಪ ಘಂಟಿ (27) ಹಾಗೂ ಸಚಿನ ಭಟ್ (25) ಉತ್ತಮ ಬ್ಯಾಟಿಂಗ್ ನೆರವಿನಿಂದ ಶ್ರೀ ದುರ್ಗಾ ಸ್ಪೋರ್ಟ್ಸ್ ಅಕಾಡಮಿ (ಎ) ತಂಡ 15.3 ಓವರ್​ಗಳಲ್ಲಿ 3 ವಿಕೆಟ್​ಗಳ ನಷ್ಟಕ್ಕೆ 118ರನ್ ಕಲೆ ಹಾಕಿ ಜಯ ತನ್ನದಾಗಿಸಿಕೊಂಡಿತು.

ತೇಜಸ್ ಹಳೆಉಪ್ಪಾರ್ (11ರನ್​ಗೆ 5 ವಿಕೆಟ್) ಮಾರಕ ಬೌಲಿಂಗ್ ನೆರವಿನಿಂದಾಗಿ ತೇಜಲ್ ಶಿರಗುಪ್ಪಿ ಕ್ರಿಕೆಟ್ ಅಕಾಡೆಮಿ ತಂಡ ಕೇವಲ 7.5 ಓವರ್​ಗಳಲ್ಲಿ 65 ರನ್​ಗಳನ್ನು ಕಲೆ ಹಾಕಿ ಗೆಲುವಿನ ನಗೆ ಬೀರಿತು.

ಶ್ರೀ ದುರ್ಗಾ ಸ್ಪೋರ್ಟ್ಸ್ ಅಕಾಡಮಿ (ಬಿ) ತಂಡ 19.5 ಓವರ್​ಗಳಲ್ಲಿ 63 ರನ್ ಮೊತ್ತಕ್ಕೆ ಆಲೌಟ್ ಆಗಿತ್ತು. ಸಂಕೇತ ರಾಥೋಡ್ 20 ರನ್ ಗಳಿಸಿದ್ದರು. ಟಿಎಸ್​ಸಿಎ ತಂಡದ ಶ್ರೀನಾಥ ರಾಜೋಳಿ 16 ಎಸೆತಗಳಲ್ಲಿ 7 ಬೌಂಡರಿಗಳ ಮೂಲಕ 34 ರನ್ ಹಾಗೂ ಎ.ಆರ್. ಸಮೀತ 18 ರನ್ ಬಾರಿಸಿದರು.

ಅ. 16ರಂದು ಬೆಳಗ್ಗೆ 8.30ಕ್ಕೆ ಹುಬ್ಬಳ್ಳಿ ಸ್ಪೋರ್ಟ್ಸ್ ಕ್ಲಬ್-ಬೆಳಗಾವಿಯ ಆನಂದ ಕ್ರಿಕೆಟ್ ಅಕಾಡೆಮಿ ಹಾಗೂ ಮಧ್ಯಾಹ್ನ 1 ಗಂಟೆಗೆ ಶ್ರೀ ದುರ್ಗಾ ವುಮೆನ್ಸ್ ಕಂಬೈನ್ಡ್ ಇಲೆವನ್-ಬೆಳಗಾವಿಯ ಯೂನಿಯನ್ ಜಿಮ್ಾನಾ ಸೆಣಸಲಿವೆ.