ಸಿಎಂ ಪುತ್ರ, ಡಿಸಿಎಂ ಸಹೋದರನ ಕೈಯಲ್ಲಿ ಗೃಹ ಇಲಾಖೆ । Home Department

ಶಿವಮೊಗ್ಗ: ಗೃಹ ಸಚಿವ ಡಾ. ಜಿ.ಪರಮೇಶ್ವರ್ ಅವರು ನನ್ನ ಕೈಯಲ್ಲಿ ಏನು ಇಲ್ಲ ಎನ್ನುತ್ತಾರೆ. ಗೃಹ ಸಚಿವರ ಕೈಯಲ್ಲೇ ಗೃಹ ಇಲಾಖೆ(Home Department)ಯೇ ಇಲ್ಲದಂತಾಗಿದೆ. ಇಲಾಖೆಯನ್ನು ಮುಖ್ಯಮಂತ್ರಿ(Chief Minister) ಪುತ್ರ ಸ್ವಲ್ಪ ನಿಭಾಯಿಸಿದರೆ, ಉಪ ಮುಖ್ಯಮಂತ್ರಿ ಸಹೋದರ ಸ್ವಲ್ಪ ನಿಭಾಯಿಸುತ್ತಿದ್ದಾರೆ ಎಂದು ಮಾಜಿ ಗೃಹ ಸಚಿವ ಆರಗ ಜ್ಞಾನೇಂದ್ರ ಆರೋಪಿಸಿದರು.

ನಗರದಲ್ಲಿ ಶನಿವಾರ ಸುದ್ದಿಗಾರರೊಂದಿಗೆ ಮಾತನಾಡಿದ ಅವರು, ರಾಜ್ಯ ಸರ್ಕಾರ ದುರಾವಸ್ಥೆಗೆ ಇಡೀ ಪೊಲೀಸ್ ಇಲಾಖೆ(Police Department)ಯನ್ನೇ ತಳ್ಳಿದೆ. ಇಡೀ ವ್ಯವಸ್ಥೆ ಕೆಟ್ಟು ಹಾಳಾಗಿ ಹೋಗಿದ್ದು, ಇದರಿಂದ ಜನರಿಗೆ ಹೊಡೆತ ಹೊರೆತು ಬೇರೇನು ಆಗಲ್ಲ. ಬೆಂಗಳೂರಿನಲ್ಲಿ ದೂರು ತೆಗೆದುಕೊಳ್ಳುವುದಕ್ಕೂ ದುಡ್ಡು ಕೊಡಬೇಕಿದೆ. ಹುದ್ದೆ(Job)ಗಳನ್ನು ಸರ್ಕಾರ ಹರಾಜು ಮಾಡುತ್ತಿದ್ದು, ಅಂಗಡಿ ಇಟ್ಟುಕೊಂಡು ಮಾರಾಟ ಮಾಡುತ್ತಿದೆ ಎಂದು ದೂರಿದರು.

ಲಂಚ ತಗೆದುಕೊಳ್ಳುವ ವೇಳೆ ಇನ್‌ಸ್ಪೆಕ್ಟರ್ ಒಬ್ಬರು ಲೋಕಾಯುಕ್ತ(Lokayukta) ಬಲೆಗೆ ಬಿದ್ದಿದ್ದಾರೆ. ಬೆಂಗಳೂರಿನಲ್ಲಿ ಪೊಲೀಸ್ ವ್ಯವಸ್ಥೆ ಹಾಳಾಗಿ ಹೋಗಿದೆ. ಬರೀ ಲಂಚ ಪಡೆಯುವುದಲ್ಲ. ಮುಂದಿನ ದಿನಗಳಲ್ಲಿ ಹಣ ತೆಗೆದುಕೊಂಡು ಹೊರಟರೆ ಸಾಯಿಸಿ ಕಿತ್ತುಕೊಂಡು ಹೋಗುವ ದಿನಗಳು ದೂರವಿಲ್ಲ. ರಾಜ್ಯ ಸರ್ಕಾರದ ಆಡಳಿತದಲ್ಲಿ ಡಿವೈಎಸ್ಪಿ(Dysp) ಹುದ್ದೆಗೆ ಕೋಟ್ಯಂತರ ರೂ. ವಸೂಲಿ ಮಾಡಿದೆ. ಕೋಟಿ ಕೋಟಿ ಕೊಟ್ಟವರು ಜನರಿಂದಲೇ ವಸೂಲಿ ಮಾಡುತ್ತಿದ್ದಾರೆ ಎಂದು ಕಿಡಿಕಾರಿದರು.