ಅಂಗವಿಲಕರು ಸಮಾಜಕ್ಕೆ ಹೊರೆಯಲ್ಲ | Disabled people's conference

ಶಿವಮೊಗ್ಗ: ಅಂಗವಿಲಕರು(Disabled people's) ಸಮಾಜಕ್ಕೆ ಹೊರೆ ಎಂಬ ಭಾವನೆ ದೂರ ಮಾಡಬೇಕಿದೆ ಎಂದು ರಾಷ್ಟ್ರೀಯ ಸ್ವಯಂಸೇವಕ ಸಂಘದ ಪ್ರಾಂತ ಕಾರ್ಯವಾಹ ಜಯಪ್ರಕಾಶ್ ಹೇಳಿದರು.

ನಗರದ ರೋಟರಿ ಮಿಡ್‌ಟೌನ್ ಸಭಾಂಗಣದಲ್ಲಿ ಭಾನುವಾರ ಸಕ್ಷಮ(Sakshama) ಜಿಲ್ಲಾ ಶಾಖೆಯಿಂದ ಆಯೋಜಿಸಿದ್ದ ಜಿಲ್ಲಾ ಅಂಗವಿಲಕರ ಸಮಾವೇಶ(conference)ದಲ್ಲಿ ದಿಕ್ಸೂಚಿ ಭಾಷಣ ಮಾಡಿದ ಅವರು, ಅಂಗವಿಕಲರಿಗೆ ಅಗತ್ಯ ಸೌಲಭ್ಯಗಳನ್ನು ನೀಡಿ ಸ್ವಾವಲಂಬಿಯನ್ನಾಗಿ ಮಾಡುವುದು ಸಕ್ಷಮದ ಉದ್ದೇಶವಾಗಿದೆ ಎಂದರು.

ಸರ್ಕಾರ(Govt)ಗಳೇ ಎಲ್ಲವನ್ನೂ ಮಾಡಲು ಸಾಧ್ಯವಿಲ್ಲ. ಸರ್ಕಾರ ಮಾಡಲೆಂದು ಕಾದುಕುಳಿತುಕೊಳ್ಳುವ  ಬದಲು ಸಂಘಟನೆಯಿಂದ ಅಂಗವಿಕಲರನ್ನು ಸ್ವಾವಲಂಬಿಗಳನ್ನಾಗಿ ಮಾಡಬೇಕಿದೆ. ಅದಕ್ಕಾಗಿ ಸಕ್ಷಮ ಶ್ರಮಿಸುತ್ತಿದೆ. ಇಲ್ಲಿ ಶ್ರವಣದೋಷ(Hearing loss), ದೃಷ್ಟಿದೋಷ, ಅಂಗವೈಕಲ್ಯವಿರುವವರನ್ನು ಗುರುತಿಸಿ ಸೌಲಭ್ಯ ನೀಡಲಾಗುತ್ತಿದೆ. ಸ್ವಾವಲಂಬಿಗಳನ್ನಾಗಿ ಮಾಡಲು ಅವರ ಆಸಕ್ತಿಯನ್ನು ಗುರುತಿಸಿ ತರಬೇತಿ ನೀಡಲಾಗುತ್ತದೆ. ದುರ್ಬಲರ ಶೋಷಣೆ ಮಾಡುವುದಲ್ಲ. ಬದಲಾಗಿ ಬದುಕು ಕಟ್ಟಿಕೊಳ್ಳಲು ನೆರವಾಗಬೇಕಿದೆ ಎಂದು ಹೇಳಿದರು.

ಶ್ರೀಮಂತಿಕೆ(Richness) ಎಂಬುದು ನಮ್ಮ ದೇಶದ ಆದರ್ಶವಲ್ಲ. ಎಲ್ಲರೂ ನಮ್ಮವರೆಂದು ಕಾಣುವ ದೇಶ ಭಾರತ. ಕಷ್ಟದಲ್ಲಿದ್ದವರು ಬದುಕಬೇಕೆಂಬ ಧ್ಯೇಯದಲ್ಲಿ ಹಿಂದಿನಿಂದಲೂ ನೆರವು ನೀಡಲಾಗುತ್ತಿದೆ. ಎಲ್ಲರಿಗೂ ಸಮಾನ ಅವಕಾಶ ನೀಡಬೇಕೆಂಬ ಉದ್ದೇಶದಲ್ಲಿ ಆರ್‌ಎಸ್‌ಎಸ್(RSS) ಕೆಲಸ ಮಾಡುತ್ತಿದೆ. ಶತಮಾನ ಆಚರಿಸಿಕೊಳ್ಳುತ್ತಿರುವ ಸಂಘ ನೂರಾರು ಸಹಸಂಘಟನೆಗಳ ಮೂಲಕ ಜನಸೇವೆ ಮಾಡುತ್ತಿದೆ. ಅದರಲ್ಲಿ ಸಕ್ಷಮ ಕೂಡ ಒಂದಾಗಿದೆ ಎಂದು ಹೇಳಿದರು.

ಪ್ರಾಸ್ತಾವಿಕವಾಗಿ ಮಾತನಾಡಿದ ಸಕ್ಷಮದ ಪ್ರಮುಖ ಕುಮಾರಶಾಸ್ತ್ರಿ, ಅಂಗವಿಕಲರನ್ನು ಮುಖ್ಯವಾಹಿನಿಗೆ ತರಬೇಕೆಂಬ ಉದ್ದೇಶದಲ್ಲಿ ಆರಂಭವಾಗಿರುವ ಸಕ್ಷಮ ಸಾಕಷ್ಟು ಸೌಲಭ್ಯಗಳನ್ನು ನೀಡಿದೆ. ವಿಶೇಷವಾಗಿ ಕಲೆಗಳನ್ನು ಮಕ್ಕಳಿಗೆ ಕಲಿಸಲಾಗುತ್ತಿದೆ. ವ್ಹೀಲ್‌ಚೇರ್(Wheelchair) ನೀಡಲಾಗುತ್ತದೆ. ತರಬೇತಿ ಜತೆ ಹೊಲಿಗೆ ಯಂತ್ರಗಳನ್ನು ನೀಡಲಾಗುತ್ತದೆ. ಉದ್ಯೋಗಾಧಾರಿತ ತರಬೇತಿಯನ್ನು ಉಚಿತವಾಗಿ ನೀಡುವುದು ಸಂಸ್ಥೆಯ ಉದ್ದೇಶವಾಗಿದೆ. ತರಬೇತಿ ಪಡೆದ ಸಾಕಷ್ಟು ಅಂಗವಿಕಲರು ಸ್ವಾವಲಂಬನೆಯ ಬದುಕು ಕಟ್ಟಿಕೊಂಡಿದ್ದಾರೆ. ಅಂಗವಿಕಲರು ಸಕ್ಷಮವನ್ನು ಸಂಪರ್ಕಿಸಿದರೆ ಎಲ್ಲ ರೀತಿಯ ನೆರವು ನೀಡಲಾಗುತ್ತದೆ ಎಂದರು.

ಕಾರ್ಯಕ್ರಮ ಉದ್ಘಾಟಿಸಿ ಮಾತನಾಡಿದ ಉದ್ಯಮಿ(Businessman) ಎಚ್.ಮರಿಯಪ್ಪ, ಅಂಗವಿಲಕರ ಶ್ರೇಯೋಭಿವೃದ್ಧಿಗಾಗಿ ಸಂಸ್ಥೆ ಉತ್ತಮ ಕೆಲಸ ಮಾಡುತ್ತಿದೆ. ಸಂಸ್ಥೆಯ ಪ್ರತಿಯೊಬ್ಬರೂ ಪ್ರಾಮಾಣಿಕವಾಗಿ ಕೆಲಸ ಮಾಡುತ್ತಿರುವುದರಿಂದ ಉತ್ತಮ ಕಾರ್ಯನಿರ್ವಹಣೆ ಸಾಧ್ಯವಾಗಿದೆ ಎಂದರು. ಸಕ್ಷಮ ಅಧ್ಯಕ್ಷ ಭಾಸ್ಕರ್ ಜಿ. ಕಾಮತ್ ಅಧ್ಯಕ್ಷತೆ ವಹಿಸಿದ್ದರು. ಸಕ್ಷಮ ದಕ್ಷಿಣ ಪ್ರಾಂತ ಕಾರ್ಯದರ್ಶಿ ನಾಗರಾಜ್ ಉಪಸ್ಥಿತರಿದ್ದರು.