ನಗರದ ಹೊರವಲಯದ ಮುಂಡರಗಿಯ ಮಹಾತ್ಮಗಾಂಧಿ ಟೌನ್ಶಿಪ್ನ ಜಿ+2 ಆಶ್ರಯ ಮನೆಗಳ ನಿರ್ಮಾಣ ಪ್ರಗತಿ ಪರಿಶೀಲಿಸಿ ಸುದ್ದಿಗಾರರೊಂದಿಗೆ ಭಾನುವಾರ ಮಾತನಾಡಿದರು. 338.25 ಕೋಟಿ ರೂ.ವೆಚ್ಚದಲ್ಲಿ ಮನೆಗಳನ್ನು ನಿರ್ಮಿಸಲಾಗುತ್ತಿದೆ. ಪ್ರತಿ ಮನೆಗೆ 6.02ಲಕ್ಷ ರೂ.ವ್ಯಯಿಸಲಾಗುತ್ತಿದೆ. ಎಸ್ಸಿ, ಎಸ್ಟಿ ಫಲಾನುಭವಿಗಳಿಗೆ ರಾಜ್ಯ ಸರ್ಕಾರ 1.80 ಲಕ್ಷ ರೂ.ಸಹಾಯಧನ ನೀಡಲಿದೆ. ಕೇಂದ್ರದ ಪ್ರಧಾನಮಂತ್ರಿ ಆವಾಸ್ ಯೋಜನೆಯಡಿ 1.50 ಲಕ್ಷ ರೂ.ಮಂಜೂರಾಗುತ್ತದೆ. ಬ್ಯಾಂಕ್ನಿಂದ 1.45 ಲಕ್ಷ ರೂ.ಸಾಲ ಒದಗಿಸಲಾಗುತ್ತಿದೆ. ಉಳಿದ 1.27ಲಕ್ಷ ರೂ.ಹಣವನ್ನು ಫಲಾನುಭವಿಗಳು ಭರಿಸಬೇಕು. ಪಾಲಿಕೆಯಲ್ಲಿ ಎಸ್ಸಿ, ಎಸ್ಟಿಗೆ ಮೀಸಲು ಇರಿಸಿರುವ ಶೇ.25 ಅನುದಾನದಲ್ಲಿ ಸ್ವಲ್ಪ ಹಣ ಬಳಸುವ ನಿಟ್ಟಿನಲ್ಲಿ ಪರಿಶೀಲಿಸಲಾಗುತ್ತಿದೆ. ಇತರೆ ವರ್ಗದ ಫಲಾನುಭವಿಗಳು 1.87 ಲಕ್ಷ ರೂ. ನೀಡಬೇಕು ಎಂದರು. ಮಹಾನಗರ ಪಾಲಿಕೆಯ ಎಇ ಖಾಜಾಹುಸೇನ್, ರಾಬಕೊ ಹಾಲು ಒಕ್ಕೂಟದ ನಿರ್ದೇಶಕ ವೀರಶೇಖರ ರೆಡ್ಡಿ, ಮುಖಂಡರಾದ ಶ್ರೀನಿವಾಸ್ ಮೋತ್ಕರ್, ಪಾಲಣ್ಣ ಇತರರಿದ್ದರು.
