ಸೇವಾ ಮನೋಭಾವ ಶ್ಲಾಘನೀಯ

ಕವಿತಾಳ: ಆರ್ಯವೈಶ್ಯ ಸಮುದಾಯದವರು ದಾನ-ಧರ್ಮದಲ್ಲಿ ತಮ್ಮದೇ ಆದ ಮಹತ್ವ ಹೊಂದಿದ್ದಾರೆ ಎಂದು ಶಾಸಕ ಹಂಪಯ್ಯ ನಾಯಕ ಹೇಳಿದರು.

ಕವಿತಾಳದ ಶ್ರೀ ವಾಸವಿ ಕನ್ನಕಾಪರಮೇಶ್ವರಿ ದೇವಸ್ಥಾನಕ್ಕೆ ರಥ ಸಮರ್ಪಣೆ ಕಾರ್ಯಕ್ರಮಕ್ಕೆ ಚಾಲನೆ ನೀಡಿ ಶನಿವಾರ ಮಾತನಾಡಿದರು. ಸಮುದಾಯ ದೇವಿಯ ಆರಾಧನೆಯೊಂದಿಗೆ ಸಮಾಜಮುಖಿ ಕಾರ್ಯಕ್ರಮಗಳಲ್ಲಿ ತೊಡಗಿಕೊಂಡಿರುವುದು ಶ್ಲಾಘನಾರ್ಹ ಎಂದರು.

ದೇವಸ್ಥಾನಕ್ಕೆ ರಥ ಸಮರ್ಪಣೆ

ಶಾಸಕರಿಗೆ ದೇವಸ್ಥಾನದ ಹೆಬ್ಬಾಗಿಲು ನಿರ್ಮಿಸಿಕೊಂಡುವಂತೆ ಆರ್ಯವೈಶ್ಯ ಸಮುದಾಯದವರು ಮನವಿ ಸಲ್ಲಿಸಿದರು. ರಥವನ್ನು ದಾನವಾಗಿ ನೀಡಿದ ಮನ್ಸಾಲಿ ವೆಂಕಯ್ಯ ಶೆಟ್ಟಿ ಅವರಿಗೆ ಸನ್ಮಾನಿಸಲಾಯಿತು.

ಇದನ್ನೂ ಓದಿ: ತುರ್ತು ಚಿಕಿತ್ಸೆ, ಜೀವಕ್ಕೆ ಶ್ರೀರಕ್ಷೆ; ವಿಶ್ವ ಪ್ರಥಮ ಚಿಕಿತ್ಸಾ ದಿನ ಇಂದು

ಪ್ರಮುಖರಾದ ತಲ್ಮಾರಿ ಗಿರಿಧರ ಶೆಟ್ಟಿ, ಪಪಂ ಸದಸ್ಯ ರಾಘು, ಮಲ್ಕಜಯ್ಯ ಶೆಟ್ಟಿ, ಗುರುಪ್ರಸಾದ, ಆನಂದ ತುರ್ವಿಹಾಳ, ವೆಂಕಟೇಶ ಬಿ.ಕೆ., ಗುರುರಾಜ ಬಾಗೋಡಿ, ಉದಯಕುಮಾರ ಇಲ್ಲೂರು, ಮಲ್ಲಿಕಾರ್ಜುನ, ವಿಜಯಕುಮಾರ ಕೊಸ್ಗಿ, ಬಾಗೋಡಿ ಪ್ರಮೀಳಾ, ಇಲ್ಲೂರು ಮಂಜುಳಾ, ಬೆಳಗುಂದಿ ಶಿಲ್ಪಾ, ವರಲಕ್ಷ್ಮೀ ಇಲ್ಲೂರು ಇತರರಿದ್ದರು.