ತಾಲೂಕಿನ ಹುಲಿಯೂರುದುರ್ಗ ಹೋಬಳಿ ಬೀರಗಾನಹಳ್ಳಿಯ ಇಟ್ಟಿಗೆ ಕಾರ್ಖಾನೆ ಮಾಲೀಕರ ಬಳಿ ಒಂದು ಸಾವಿರ ಇಟ್ಟಿಗೆ ತಯಾರಿಕೆಗೆ ಸಾವಿರ ರೂ.ನಂತೆ ಕೂಲಿ ನಿಗದಿಪಡಿಸಿಕೊಂಡು ದಾವಣಗೆರೆ ಜಿಲ್ಲೆಯ ಚೀಲೂರು ಗ್ರಾಮದ ರಾಜೇಂದ್ರ ದಂಪತಿಯು ಅಪ್ರಾಪ್ತ ಮಗನೊಂದಿಗೆ ದುಡಿಯುತ್ತಿದ್ದರು. ಮುಂಗಡ ಹಣ ತೀರಿಸಿಕೊಳ್ಳಲು ದಿನದ 12 ಗಂಟೆಯಲ್ಲದೆ ರಜಾದಿನಗಳಲ್ಲಿಯೂ ಮಾಲೀಕರು ದುಡಿಸಿಕೊಳ್ಳುತ್ತಿದ್ದರು. ಅಲ್ಲದೇ ಇಟ್ಟಿಗೆ ಕಾರ್ಖಾನೆಯಿಂದ ಹೊರಗೆ ಹೋಗಲು ಅನುಮತಿ ಸಹ ನೀಡಿರಲಿಲ್ಲ. ದಂಪತಿಗೆ ನೀಡಿದ್ದ ಕೊಠಡಿ ವಾಸಕ್ಕೆ ಯೋಗ್ಯವಾಗಿರಲಿಲ್ಲ. ಕೂಲಿ ನೀಡದೆ, ಸ್ವಂತ ಊರಿಗೆ ಹೋಗಲೂ ಅವಕಾಶ ಮಾಡಿಕೊಡದೆ ಕಾರ್ಖಾನೆ ಮಾಲೀಕರು ದೃಹಿಕ ಹಲ್ಲೆ ಮಾಡುತ್ತಿದ್ದರು. ಈ ಸಂಬಂಧ ಜೀತಮುಕ್ತ ಎನ್ಜಿಒ ಸಂಚಾಲಕರು ನೀಡಿದ ಮಾಹಿತಿಯೊಂದಿಗೆ ಮೇ 19ರಂದು ತಾಲೂಕು ಸಮಾಜ ಕಲ್ಯಾಣ ಅಧಿಕಾರಿ, ಶಿಶು ಅಭಿವೃದ್ಧಿ ಯೋಜನಾಧಿಕಾರಿ, ಕಾರ್ಮಿಕ ಅಧಿಕಾರಿ, ಆರಕ ನಿರೀಕರ ತಂಡ ಬೀರಗೋನಹಳ್ಳಿ ಗ್ರಾಮಕ್ಕೆ ಭೇಟಿ ನೀಡಿ, ಗ್ರಾಮದ ಸ.ನಂ.10/5ರಲ್ಲಿನ ಬಿಆರ್ವಿ ಇಟ್ಟಿಗೆ ಕಾರ್ಖಾನೆ ಪರಿಶೀಲಿಸಿ ರಾಜೇಂದ್ರ ಹಾಗೂ ಲಲಿತಾ ಕುಟುಂಬವನ್ನು ರಸಿತ್ತು.
