ಇದರಿಂದ ಕೇಂದ್ರದ ಉಸ್ತುವಾರಿ ನೋಡಿಕೊಳ್ಳುತ್ತಿರುವ ಕಂದಾಯ ಇಲಾಖೆ ಅಧಿಕಾರಿ ಗಳು ಗಲಿಬಿಲಿಗೊಂಡರು. 23 ದಿನಗಳಿಂದ ಆಶ್ರಯ ಪಡೆದಿರುವ ಕಾರ್ಮಿಕರಿಗೆ ಸಾಮಾಜಿಕ ಅಂತರ, ಸ್ವಚ್ಛತೆ, ಶುಚಿತ್ವದ ಬಗ್ಗೆ ಪ್ರತಿದಿನ ತಿಳಿಹೇಳಲಾಗಿತ್ತು. ಆದರೆ, ಇದನ್ನೆಲ್ಲಾ ಗಾಳಿಗೆ ತೂರಿ, ಹಾಸ್ಟೆಲ್ ಮುಂಭಾಗ ಏಕಾಏಕಿ ವಸ್ತುಗಳೊಂದಿಗೆ ಜಮಾಯಿಸಿ, ಊರುಗಳಿಗೆ ಕಳುಹಿಸಿಕೊಡುವಂತೆ ಒತ್ತಾಯಿಸಿದರು. ಇದರಿಂದ ಅಧಿಕಾರಿಗಳು ಹಾಗೂ ಪೊಲೀಸರು ಕೆಲಕಾಲ ವಿಚಲಿತರಾದರು. ಈ ಸಂದರ್ಭದಲ್ಲಿ ನಿಮ್ಮನ್ನು ಕಳುಹಿಸಿಕೊಟ್ಟರೂ ಸಂಬಂಧಪಟ್ಟ ಜಿಲ್ಲೆಗಳಿಗೆ ಪ್ರವೇಶ ನಿಷೇಧ, ಮತ್ತೆ ಕ್ವಾರಂಟನ್ಗೆ ಒಳಗಾಗಬೇಕಾಗುತ್ತದೆ ಎಂದು ಮನಮೊಲಿಸಲು ಪ್ರಯತ್ನಿಸಿದರೂ ಪಟ್ಟು ಬಿಡಲ್ಲಿ. ಸುದ್ದಿ ತಿಳಿದ ತಹಸೀಲ್ದಾರ್ ಮೋಹನ್ ಕುಮಾರ್ ಸ್ಥಳಕ್ಕೆ ಬಂದು ಊರುಗಳಿಗೆ ಕಳುಹಿಸಿಕೊಡುವುದಾಗಿ ಭರವಸೆಯಿತ್ತ ನಂತರ ಕಾರ್ಮಿಕರು ಹಾಸ್ಟೆಲ್ ಪ್ರವೇಶಿಸಿದರು.
