ಅಭಿಮಾನವೇ ದೊಡ್ಡ ಪ್ರಶಸ್ತಿ : ಸನ್ಮಾನಕ್ಕೆ ಪ್ರತಿಕ್ರಿಯಿಸಿ ಮಾತನಾಡಿದ ಡಾ. ನಮ್ರತಾ, ದೊಡ್ಡಮಗ್ಗೆ ಆಸ್ಪತ್ರೆಯಲ್ಲಿ ಎರಡು ದಶಕಗಳ ಕಾಲ ಸೇವೆ ಸಲ್ಲಿಸಲು ಗ್ರಾಮಸ್ಥರು, ಇಲಾಖೆ ಅಧಿಕಾರಿಗಳು, ಸಿಬ್ಬಂದಿ ಸಹಕಾರವೇ ಕಾರಣ ಎಂದರು. ನನ್ನ ಸೇವಾ ವೃತ್ತಿಯಲ್ಲಿ ಇರುವತನಕ ಈ ಭಾಗದ ಜನರನ್ನು ಮರೆಯುವುದಿಲ್ಲ. ಉತ್ತಮ ಸೇವೆ ನೀಡಿದ್ದೇನೆ ಎಂಬುದಕ್ಕೆ ಗ್ರಾಮಸ್ಥರು ನೀಡಿದ ಈ ಗೌರವವೇ ಸಾಕ್ಷಿಯಾಗಿದೆ. ಜನರ ಆತ್ಮೀಯತೆ ಮತ್ತು ಅಭಿಮಾನಗಳು ನನಗೆ ದೊಡ್ಡ ಪ್ರಶಸ್ತಿಯಾಗಿದೆ. ಇಂದಿನ ಕಾರ್ಯಕ್ರಮ ನನ್ನ ಬದುಕಿನಲ್ಲಿ ಅವಿಸ್ಮರಣೀಯ ಎಂದು ನುಡಿದರು. ತಾಲೂಕು ಆರೋಗ್ಯಾಧಿಕಾರಿ ಡಾ. ಪುಷ್ಪಲತಾ, ಗ್ರಾಮದ ಮುಖಂಡ ಪಟೇಲ್ ರಾಜೇಗೌಡ ಮಾತನಾಡಿದರು. ಸರ್ಕಾರಿ ಪದವಿ ಪೂರ್ವ ಕಾಲೇಜು ಪ್ರಾಂಶುಪಾಲೆ ಅಂಜುಂ ಫರ್ಜಾನ್, ಡಾ. ಸಿಂಧು, ಜಿಪಂ ಮಾಜಿ ಸದಸ್ಯ ರವಿ ಮತ್ತು ಗ್ರಾಮಸ್ಥರು ಇದ್ದರು.
