ಏಡ್ಸ್​ ಪೀಡಿತರಿಗೆ ಆತ್ಮಸ್ಥೆರ್ಯ ಮುಖ್ಯ

ವಿಜಯಪುರ: ಎಚ್​ಐವಿ ಸೊಂಕಿತರನ್ನು ಸಮಾಜದಿಂದ ದೂರವಿಡದೇ ಅವರನ್ನು ಆತ್ಮೀಯವಾಗಿ ನೋಡಿಕೊಳ್ಳಬೇಕು ಎಂದು ಹೆಚ್ಚುವರಿ ಪೊಲೀಸ್​ ವರಿಷ್ಠಾಧಿಕಾರಿ ಶಂಕರ ಮಾರಿಹಾಳ ಸಲಹೆ ನೀಡಿದರು.

ನಗರದ ಸಂತ ಜೋಸೆಫ್​ ಆರೋಗ್ಯ ಮತ್ತು ಸಮುದಾಯ ಕೇಂದ್ರದ ಸಮುದಾಯ ಭವನದಲ್ಲಿ ಗುರುವಾರ ಹಮ್ಮಿಕೊಂಡಿದ್ದ ವಿಶ್ವ ಏಡ್ಸ್​ ದಿನಾಚರಣೆ ಹಾಗೂ ಕ್ರಿಸ್​ಮಸ್​ ಕಾರ್ಯಕ್ರಮ ಉದ್ಘಾಟಿಸಿ ಮಾತನಾಡಿದ ಅವರು, ಎಚ್​ಐವಿ ಪೀಡಿತರು ಯಾವುದೇ ತೋಂದರೆಗಳಿಗೆ ಒಳಗಾಗದೆ ಸರ್ಕಾರದಿಂದ ಅನುಷ್ಟಾನಗೊಳಿಸಿರುವ ಯೋಜನೆಗಳ ಲಾಭ ಪಡೆದು ನೆಮ್ಮದಿಯ ಜೀವನ ಸಾಗಸಬೇಕು ಎಂದು ತಿಳಿಸಿದರು.

ಮುಖ್ಯ ಅತಿಥಿ ಜಿಲ್ಲಾ ಏಡ್ಸ್​ ಮತ್ತು ಕ್ಷಯ ನಿಯಂತ್ರಣಾಧಿಕಾರಿ ಡಾ. ಮಲ್ಲನಗೌಡ ಬಿರಾದಾರ ಮಾತನಾಡಿ, ಎಚ್​ಐವಿ ಪಿಡಿತರಿಗೆ ಎಆರ್​ಟಿ ಮಾತ್ರೆಗಳ ಜತೆಗೆ ಆತ್ಮಸ್ಥೆರ್ಯ ಕೂಡ ತುಂಬಾ ಮುಖ್ಯವಾಗಿದೆ. ಎಚ್​ಐವಿ ಪಿಡಿತರು ಮಾನಸಿಕ ಖಿನ್ನತೆಗೆ ಒಳಗಾಗದೆ ಆತ್ಮಸ್ಥೆರ್ಯದಿಂದ ಮುನ್ನಡೆಯಬೇಕು ಎಂದು ಹೇಳಿದರು.

ಅತಿಥಿ ಜಿಲ್ಲಾ ಮಕ್ಕಳ ರಕ್ಷಣಾ ಟಕ ಸಾಂಸ್ಥಿಕ ಅಧಿಕಾರಿ ವಾಣಿಶ್ರೀ ನಿಂಬಾಳ ಮತ್ತು ಅಧ್ಯಕ್ಷತೆ ವಹಿಸಿದ ಫಾದರ್​. ಪ್ರಾನ್ಸಿಸ್​ ಮ್ಯಾನೆಜಸ್ಸ್​ ಮಾತನಾಡಿದರು. ಫಾದರ್​ ಟಿಯೋಲ್​ ಮಚಾದೋ ಪ್ರಾಸ್ತಾವಿಕವಾಗಿ ಮಾತನಾಡಿದರು. ಸಿಸ್ಟರ್​ ಅಮಲಾ ರಾಣಿ ಸಂಸ್ಥೆಯ ವರದಿವಾಚನ ಮಾಡಿದರು.

ಸುನೀತಾ ಮೋರೆ ಸ್ವಾಗತಿಸಿದರು. ಶೃತಿ ನಿಡೋಣಿ ನಿರೂಪಿಸಿದರು. 200 ಕ್ಕೂ ಅಧಿಕ ಎಚ್​ಐವಿ ಪಿಡಿತರು ಕಾರ್ಯಕ್ರಮದಲ್ಲಿ ಭಾಗವಹಿಸಿದರು.