ಜಾತಿಯ ಬದಲಾಗಿ ಗುಣಕ್ಕೆ ಮಾನ್ಯತೆ ಕೊಡುವುದು ಬ್ರಾಹ್ಮಣರ ರೂಢಿ. ರಾಮಾಯಣದಲ್ಲಿ ಬ್ರಾಹ್ಮಣನಾಗಿದ್ದ ರಾವಣನ ಬದಲು ಪುರುಷೋತ್ತಮನಾಗಿದ್ದ ಶ್ರೀರಾಮನನ್ನ, ರಾಮಾಯಣದ ನಿರ್ಮಾಪಕ ವಾಲ್ಮೀಕಿಯನ್ನು ಪೂಜಿಸುವ ಮೂಲಕ ಗುಣಕ್ಕೆ ಆದ್ಯತೆ ನೀಡಲಾಗಿದೆ. ಕೃಷ್ಣ, ಕನಕದಾಸ, ಕಬೀರ ಇಂತಹ ಅನೇಕರು ಬ್ರಾಹ್ಮಣರಲ್ಲದಿದ್ದರೂ ಅವರನ್ನು ಗೌರವಿಸುವ ಮೂಲಕ ಶ್ರೇಷ್ಠ ಪರಂಪರೆಯನ್ನು ಗೌರವಿಸಿದ್ದೇವೆ. ನಮ್ಮ ಸಂಸ್ಕೃತಿ, ಪರಂಪರೆ, ನಂಬಿಕೆಯ ಮೇಲೆ ಪರಕೀಯರಿಂದ ಹಲವು ಆಕ್ರಮಣಗಳಾಗಿವೆ. ಆದರೆ ದುರಾದೃಷ್ಟವಶಾತ್ ಇತ್ತೀಚೆಗೆ ನಮ್ಮಲ್ಲೇ ಹುಟ್ಟಿದ ಕೆಲವರು ಸನಾತನ ಧರ್ಮ, ಸಂಸ್ಕೃತಿಯನ್ನು ಕಿತ್ತೊಗೆಯುವ ಮಾತನಾಡುತ್ತಿದ್ದಾರೆ. ಈ ಬಗ್ಗೆ ಜಾಗೃತವಾಗಿರುವಂತೆ ಜೋಶಿ ಎಚ್ಚರಿಸಿದರು.
