ವಿಜಯವಾಣಿ ಸುದ್ದಿಜಾಲ ಗದಗ
ಗೀತ ಗಾಯನ ಸ್ಪರ್ಧೆಯು ಮಕ್ಕಳಲ್ಲಿ ದೇಶಾಭಿಮಾನ ಹಾಗೂ ಆಸಕ್ತಿ ಬೆಳೆಸುತ್ತದೆ ಎಂದು ಜಿಲ್ಲಾ ತರಬೇತಿ ಸಂಸ್ಥೆಯ ಉಪ ನಿರ್ದೇಶಕ ಜಿ. ಎಲ್.ಬಾರಟಿಕ್ಕಿ ಹೇಳಿದರು.
ಗದಗ ಸ್ಕೌಟ್ಸ್ ಮತ್ತು ಗೈಡ್ಸ್ ಜಿಲ್ಲಾ ಸಂಸ್ಥೆ ಕಚೇರಿಯಲ್ಲಿ ಭಾನುವಾರ ಏರ್ಪಡಿಸಿದ್ದ ಗೀತ ಗಾಯನ ಕಾರ್ಯಕ್ರಮದಲ್ಲಿ ಭಾಗವಹಿಸಿ ಮಾತನಾಡಿದ ಅವರು, ಇಂದಿನ ದಿನಗಳಲ್ಲಿ ಮಕ್ಕಳಿಗೆ ಮತ್ತು ಯುವಕರಿಗೆ ಸಂಗೀತ ಕಾರ್ಯಕ್ರಮ ಏರ್ಪಡಿಸುವುದು ಅತ್ಯಗತ್ಯವಾಗಿದೆ. ಕಲೆ ಬೆಳೆಸುವಲ್ಲಿ ಇಂತಹ ಕಾರ್ಯಕ್ರಮಗಳು ಬಹಳ ಉಪಯುಕ್ತ. ಇಂತಹ ವಿವಿಧ ಕಾರ್ಯಕ್ರಮಗಳನ್ನು ಸ್ಕೌಟ್ಸ್ ಮತ್ತು ಗೈಡ್ಸ್ ಸಂಸ್ಥೆಯು ಆಗಾ ಮಕ್ಕಳಿಗಾಗಿ ಹಮ್ಮಿಕೊಳ್ಳಬೇಕು ಎಂದರು.
ಜಿ.ಎಚ್. ಪೂಜಾರ ಮಾತನಾಡಿ, ಗ್ರಾಮಿಣ, ತಾಲೂಕು, ಜಿಲ್ಲಾ ಹಾಗೂ ರಾಜ್ಯ ಹಂತಗಳಲ್ಲಿ ಗೀತಗಾಯನ ಸ್ಪರ್ಧೆ ಹಮ್ಮಿಕೊಳ್ಳುವುದರಿಂದ ಮಕ್ಕಳ ಪ್ರತಿಭೆಗೆ ವೇದಿಕೆ ರೂಪಿಸಿದಂತಾಗುತ್ತದೆ ಎಂದರು
ಬಿ.ಆರ್.ಸಿ. ಬಾವಿಕಟ್ಟಿ ಕಾರ್ಯಕ್ರಮ ಉದ್ಘಾಟಿಸಿ ಮಾತನಾಡಿದರು. ಜಿಲ್ಲಾ ಮಟ್ಟದ ಗೀತಗಾಯನ ಸ್ಪರ್ಧೆಯಲ್ಲಿ ಸ್ಕೌಟ್ ವಿಭಾಗದಿಂದ ಹಿರೇವಡ್ಡಟ್ಟಿ ಮುರಾಜಿರ್ ದೇಸಾಯಿ ವಸತಿ ಶಾಲೆಯ ಮಕ್ಕಳು ಪ್ರಥಮ, ಗೈಡ್ ವಿಭಾಗದಿಂದ ಕೆ.ಎಲ್.ಇ. ಶಾಲೆ ಮಕ್ಕಳು ಪ್ರಥಮ ಸ್ಥಾನ ಪಡೆದರು.
ಡಿ. ಎಸ್. ದಾಸರ, ಶಿವಕುಮಾರ ಕುರಿ, ಐ.ವೈ. ತಹಶೀಲ್ದಾರ, ಕೆ. ಆರ್. ಲಮಾಣಿ, ಎಸ್. ಕೆ. ಮಠದ, ಗೀತಾ ದೇವಾಂಗಮಠ, ಎ. ಎಸ್. ನರಗುಂದ ಹಲವರು ಇದ್ದರು. ಜಿ.ಎಚ್. ಪೂಜಾರ, ಬಿ.ಆರ್.ಸಿ. ಬಾವಿಕಟ್ಟಿ ಹಲವರು ಇದ್ದರು.
