35,047 ಮಂದಿ ದಾಖಲಾತಿ: ತಾಲೂಕಿನಾದ್ಯಂತ 181 ಸರ್ಕಾರಿ ಕಿರಿಯ ಪ್ರಾಥಮಿಕ ಶಾಲೆ, 99 ಹಿರಿಯ ಪ್ರಾಥಮಿಕ ಶಾಲೆ ಮತ್ತು 11 ಪ್ರೌಢಶಾಲೆಗಳ ಪೈಕಿ 16, 337 ಮಂದಿ ವಿದ್ಯಾರ್ಥಿಗಳಿದ್ದಾರೆ. ಹಾಗೆಯೇ 2 ಅನುದಾನಿತ ಹಿರಿಯ ಪ್ರಾಥಮಿಕ ಶಾಲೆ, 19 ಪ್ರೌಢಶಾಲೆ ಸೇರಿ 21 ಶಾಲೆಗಳಲ್ಲಿ 3,292 ವಿದ್ಯಾರ್ಥಿಗಳಿದ್ದಾರೆ. 42 ಖಾಸಗಿ ಶಾಲೆಯಲ್ಲಿ 14,898 ಮಂದಿ ವಿದ್ಯಾರ್ಥಿಗಳು, ಸಮಾಜ ಕಲ್ಯಾಣ ಇಲಾಖೆಯ 3 ಶಾಲೆಗಳಲ್ಲಿ 517 ಮಂದಿ ವಿದ್ಯಾರ್ಥಿಗಳಿದ್ದಾರೆ. ಒಟ್ಟಾರೆ ತಾಲೂಕಿನಾದ್ಯಂತ 357 ಶಾಲೆಗಳಿದ್ದು, ಸುಮಾರು 35,047 ಮಂದಿ ವಿದ್ಯಾರ್ಥಿಗಳು 2023-24ನೇ ಸಾಲಿಗೆ ದಾಖಲಾಗಿದ್ದಾರೆ ಎಂದು ಕ್ಷೇತ್ರಶಿಕ್ಷಣಾಧಿಕಾರಿ ಎಂ.ಎಚ್.ತಿಮ್ಮಯ್ಯ ಮಾಹಿತಿ ನೀಡಿದರು.
ಶಿಕ್ಷಕರಾದ ವೈ.ಟಿ.ಬೈಲಪ್ಪ, ಶಿವಕುಮಾರ್,ಕೆಂಪರಾಜು, ರುದ್ರಮೂರ್ತಿ, ಲಿಂಗದೇವರು, ಧನಲಕ್ಷ್ಮೀ, ಸಾಹಿನಾ ಅಲ್ಲಾಪುರ್, ಶಾಲಾ ಅಭಿವೃದ್ಧಿ ಸಮಿತಿ ಅಧ್ಯಕ್ಷ ಬಿ.ಸಿ.ಗಂಗಾಧರಯ್ಯ, ಸದಸ್ಯರಾದ ಮಂಜಪ್ಪ, ರಾಮಯ್ಯ, ಶಶಿಧರ್ಗೌಡ, ಮಂಜುನಾಥ್ಗೌಡ, ಚಿಕ್ಕಣ್ಣ ಮತ್ತಿತರರು ಉಪಸ್ಥಿತರಿದ್ದರು.
