ಏಕಮುಖಿ ಚಿಂತನೆಯಿಂದ ಸಮಾಜಕ್ಕೆ ಹಾನಿ

ಸುಗುಣೇಂದ್ರ ತೀರ್ಥ ಶ್ರೀಪಾದರ ಆಶೀರ್ವಚನ

ವಿನಮ್ರ ಸಹಾಯಧನ ವಿತರಣಾ ಸಮಾರಂಭ

ವಿಜಯವಾಣಿ ಸುದ್ದಿಜಾಲ ಉಡುಪಿ

ವಿದ್ಯಾಭ್ಯಾಸಕ್ಕೆ ಹಣದ ಸಹಾಯವಷ್ಟೇ ಬೇಕಾಗಿಲ್ಲ. ಸಂಸ್ಕಾರ, ಸ್ವಚ್ಛ ಮನಸ್ಸು ಮತ್ತು ಸರಿಯಾದ ದೃಷ್ಟಿಕೋನದ ಅಗತ್ಯತೆಯಿದೆ. ಡಾಕ್ಟರ್​, ಇಂಜಿನಿಯರ್​ ಆಗಬೇಕೆನ್ನುವುದು ಮಾತ್ರ ಇಂದಿನ ವಿದ್ಯಾರ್ಥಿಗಳ ಎರಡೇ ಗುರಿಯಾಗಿದೆ. ಮೂರನೇಯದಾಗಿ ಸ್ವಂತ ಚಿಂತನೆ ಕಳೆದುಕೊಂಡಿದ್ದಾರೆ. ಎಲ್ಲರೂ ಒಂದೇ ದಾರಿಯಲ್ಲಿ ಸಾಗಿದರೆ ಉಳಿದ ಮಾರ್ಗಗಳೆಲ್ಲ ತನ್ನಿಂದ ತಾನೇ ಮುಚ್ಚಲ್ಪಡುತ್ತದೆ. ಏಕಮುಖಿ ಚಿಂತನೆಯಿಂದ ಸಮಾಜದ ಸಮತೋಲನಕ್ಕೆ ಘಾಸಿಯಾಗುತ್ತದೆ ಎಂದು ಪರ್ಯಾಯ ಪುತ್ತಿಗೆ ಮಠದ ಸುಗುಣೇಂದ್ರ ತೀರ್ಥ ಶ್ರೀಪಾದರು ನುಡಿದರು.

ಉಡುಪಿ ಶ್ರೀಕೃಷ್ಣ ಮಠದ ರಾಜಾಂಗಣದಲ್ಲಿ ಉಡುಪಿ ಯಕ್ಷಗಾನ ಕಲಾರಂಗದ ಅಂಗಸಂಸ್ಥೆ ವಿದ್ಯಾಪೋಷಕ್​ನ 21ನೇ ವಾರ್ಷಿಕೋತ್ಸವದ ನಿಮಿತ್ತ ಹಿಂದುಳಿದ ಪ್ರತಿಭಾನ್ವಿತ ವಿದ್ಯಾರ್ಥಿಗಳಿಗೆ ಭಾನುವಾರ (ಅ.5)ರಂದು ಆಯೋಜಿಸಿದ್ದ ವಿನಮ್ರ ಸಹಾಯಧನ ವಿತರಣಾ ಸಮಾರಂಭ ಉದ್ಘಾಟಿಸಿ ಆಶೀರ್ವಚನ ನೀಡಿದರು.

ಶುಲ್ಕದಲ್ಲಿ ರಿಯಾಯಿತಿ ಭರವಸೆ

ಅಂಬಲಪಾಡಿ ದೇವಳದ ಧರ್ಮದರ್ಶಿ ಡಾ. ನಿ.ಬೀ. ವಿಜಯ ಬಲ್ಲಾಳ ಶುಭಾಶಂಸನೆ ಗೈದರು.

ವಿದ್ಯಾರ್ಥಿಗಳಿಗೆ ಶೈಕ್ಷಣಿಕ ಸಾಧನೆ ಕುರಿತು ಹುಬ್ಬಳ್ಳಿ ಮೈಲೈಫ್​ನ ಸಂಸ್ಥಾಪಕ ಪ್ರವೀಣ ವಿ. ಗುಡಿ ಪ್ರೇರಣಾತ್ಮಕ ಭಾಷಣ ಮಾಡಿದರು. ಯು.ಎಸ್​. ರಾಜಗೋಪಾಲ ಆಚಾರ್ಯರು ಪ್ರತಿಜ್ಞಾ ವಾಕ್ಯ ಬೋಧಿಸಿದರು. ಶ್ರೀಗಳಿಗೆ ಕಾರ್ಯಕಾರಿ ಸಮಿತಿಯ ಹಿರಿಯ ಸದಸ್ಯ ಭುವನಪ್ರಸಾದ ಹೆಗ್ಡೆ ಫಲ ಸಮರ್ಪಿಸಿದರು.

ವಿದ್ಯಾಪೋಷಕ್​ ವಿದ್ಯಾರ್ಥಿ ನಾಗೇಂದ್ರ ಆರ್​. ಭಟ್​ ಪ್ರಾರ್ಥಿಸಿದರು. ಸಂಸ್ಥೆಯ ಉಪಾಧ್ಯಕ್ಷ ವಿ.ಜಿ. ಶೆಟ್ಟಿ ಸ್ವಾಗತಿಸಿದರು. ಸಂಸ್ಥೆಯ ಕಾರ್ಯದರ್ಶಿ ಮುರಳಿ ಕಡೆಕಾರ್​ ಪ್ರಾಸ್ತಾವಿಕವಾಗಿ ಮಾತನಾಡಿ, ದಾನಿಗಳ ಸಹಕಾರದಿಂದ ಸಂಸ್ಥೆ ಬೆಳೆದು ಬಂದ ರೀತಿ ವಿವರಿಸಿದರು. ಸಂಸ್ಥೆಯ ಸಹ ಕಾರ್ಯದರ್ಶಿ ನಾರಾಯಣ ಎಂ. ಹೆಗಡೆ ಕಾರ್ಯಕ್ರಮ ನಿರೂಪಿಸಿದರು. ಗಣೇಶ ಎಳ್ಳೂರು ಹಾಗೂ ಪ್ರೊ. ಕೆ.ಸದಾಶಿವ ರಾವ್​ ವಂದಿಸಿದರು.

ವಿದ್ಯಾಪೋಷಕ್​ನ 1,234 ವಿದ್ಯಾರ್ಥಿಗಳಿಗೆ ನೆರವು