ಮಾಯನಾಯಕನ ಹಳ್ಳಿಯ ಕಲ್ಲುಕ್ವಾರಿ ಬಳಿ ಎರಡು ಬಾರಿ ಸ್ಯಾಟಲೈಟ್ ಫೋನ್ನಿಂದ ಕರೆಗಳು ಹೋಗಿವೆ. ಬಳಕೆಯಾದ ದಿನ ಕ್ವಾರಿ ಸಮೀಪದ ಜಮೀನೊಂದರಲ್ಲಿ ಬೆಳೆದಿದ್ದ ಶುಂಠಿ ಖರೀದಿಸಲು ಕೇರಳದಿಂದ ಗ್ರಾಮಕ್ಕೆ ಬಂದಿದ್ದ ಇಬ್ಬರನ್ನು ಪೊಲೀಸರು ವಿಚಾರಣೆ ನಡೆಸಿ, ಈ ಕೃತ್ಯದಲ್ಲಿ ಭಾಗಿಯಾಗಿಲ್ಲ ಎಂಬುದನ್ನು ಖಚಿತಪಡಿಸಿಕೊಂಡಿದ್ದಾರೆ ಎಂದು ತಿಳಿದುಬಂದಿದೆ. ಸ್ಯಾಟಲೈಟ್ ಫೋನ್ ಬಳಕೆಯ ತನಿಖೆ ಕೈಗೊಂಡ ಪೊಲೀಸರು ಇಂಟರ್ನಲ್ ಸೆಕ್ಯೂರಿಟಿ ಡಿವಿಜನ್ (ಐಎಸ್ಡಿ) ಸಹಕಾರ ಪಡೆದು, ಕರೆ ಎಲ್ಲಿಗೆ ಮಾಡಲಾಗಿದೆ ಎಂಬುದನ್ನು ಪರಿಶೀಲನೆ ನಡೆಸಲಾಗಿದೆ. ಎನ್ಐಎ ಅಂಗ ಸಂಸ್ಥೆ ಇಂಟರ್ನೆಟ್ ಪ್ರೋಟೋಕಾಲ್ ಡಿಟೈಲ್ಸ್ ರೆಕಾರ್ಡ್ (ಐಪಿಡಿಆರ್) ನೆರವಿನಿಂದ ಎಲ್ಲಿಗೆ ಕರೆ ಹೋಗಿದೆ. ಯಾವ ದೇಶದಲ್ಲಿ ಫೋನ್ ಖರೀದಿ ಮಾಡಲಾಗಿದೆ. ಅದರ ಮೂಲ ಏನೆಂಬುದನ್ನು ಖಚಿತ ಪಡಿಸಿಕೊಂಡಿರುವುದಾಗಿ ಎಸ್ಪಿ ಎಚ್.ಡಿ.ಆನಂದ್ಕುಮಾರ್ ವಿಜಯವಾಣಿಗೆ ಮಾಹಿತಿ ನೀಡಿದ್ದಾರೆ.
