ಸಂಗೀತ ರಸದೌತಣ : ಪ್ರಮೋದ್, ಮನ್ವಿತ, ಸುಧೀರ್ ಹಾಗೂ ಪವನ್ ತಂಡ ಪ್ರಸ್ತುತಪಡಿಸಿದ ವಾದ್ಯ ಸಂಗೀತದಲ್ಲಿ ಕರ್ನಾಟಕ ಸಂಗೀತದ ನವರಾಗ ಮಾಲಿಕೆ, ಹಿಂದೂಸ್ಥಾನಿ ಸಂಗೀತ ಶೈಲಿಯಲ್ಲಿ ವಚನ, ಸುಭದ್ರ ನಾಟಕದ ಪೌರಾಣಿಕ ರಂಗಗೀತೆ, ಚಲನಚಿತ್ರ ಗೀತೆಗಳನ್ನು ಪ್ರೇಕ್ಷಕರು ಮನದುಂಬಿಕೊಂಡರು. ಕಾವ್ಯ ಮತ್ತು ತಂಡದಿಂದ ಜನಪದ ಹಾಗೂ ಭಾವಗೀತೆ ಗಾಯನ, ನೀಲಾಲಯ ನೃತ್ಯ ಕೇಂದ್ರದಿಂದ ಭರತ ನಾಟ್ಯ ನೃತ್ಯ ರೂಪಕ, ಕೆಂಪಮ್ಮ ಮತ್ತು ತಂಡದಿಂದ ಮಹಿಳಾ ಕಂಸಾಳೆ, ತುರುವೇಕೆರೆ ಸತೀಶ್ ಮತ್ತು ತಂಡದಿಂದ ಪೂಜಾ ಕುಣಿತ ಹಾಗೂ ಕುದೂರಿನ ಗೋವಿಂದರಾಜು ಮತ್ತು ತಂಡದಿಂದ ಗೊಂಬೆ ಕುಣಿತ, ಜಿಲ್ಲಾಸ್ಪತ್ರೆಯ ಶುಶ್ರೂಷ ಶಾಲೆಯ ವಿದ್ಯಾರ್ಥಿಗಳಿಂದ ಸಮೂಹ ಗಾಯನ ಸೇರಿ ವಿವಿಧ ಸಾಂಸ್ಕೃತಿಕ ಕಾರ್ಯಕ್ರಮ ಜರುಗಿದವು.
