ಗಾಯನ ತರಗತಿಯನ್ನು ನಡೆಸಿಕೊಡಲಿರುವ ಗೋವಾದ ಡಾ. ಶಶಾಂಕ್ ಮಕ್ತೇದಾರ್ ಅವರು ಪಂಡಿತ್ ಉಲ್ಲಾಸ್ ಕಶಾಲ್ಕರ್ ಅವರ ಶಿಷ್ಯರಾಗಿದ್ದಾರೆ. ಶುದ್ಧ ಶಾಸೀಯ ಸಂಗೀತ, ಹೊಸ ಹೊಸ ಕೌಶಲಗಳ ಅಳವಡಿಕೆ, ಹಾಡನ್ನು ಪ್ರಸ್ತುತ ಪಡಿಸುವ ಗಾಯನ ಶೈಲಿಯಿಂದ ಖ್ಯಾತಿ ಪಡೆದಿದ್ದಾರೆ. ಬೆಂಗಳೂರಿನ ಪೂರ್ಣಿಮಾ ಭಟ್ ಕುಲಕರ್ಣಿ ಅವರು ಖ್ಯಾತ ಗಾಯಕಿ, ಪಂಡಿತ್ ಬಸವರಾಜ ರಾಜಗುರು ಅವರ ಶಿಷ್ಯೆ. ಶಾಸೀಯ ಸಂಗೀತ, ಭಕ್ತಿ ಗೀತೆ ಸೇರಿದಂತೆ ಹಲವು ಗೀತೆ ಪ್ರಕಾರಗಳನ್ನು ಅನೇಕ ಬಾರಿ ಪ್ರಸ್ತುತ ಪಡಿಸಿರುತ್ತಾರೆ. ವಾದ್ಯ ಸಂಗೀತ ತರಗತಿ ನಡೆಸಿಕೊಡಲಿರುವ ಉಸ್ತಾದ್ ರಫೀಕ್ ಖಾನ್ ಅವರು ಧಾರವಾಡ ಘರಾನಾದ ಆರನೇ ತಲೆಮಾರಿನ ಸಿತಾರ್ ವಾದಕ, ಅವರ ಶುದ್ಧ ಮಾಧುರ್ಯ, ಅನುಕರಣೀಯ ತಂತ್ರಗಾರಿಕೆಯಿಂದ ಹೆಸರುವಾಸಿಯಾಗಿದ್ದಾರೆ. ಈ ಸಂಗೀತ ವಿಶೇಷ ತರಗತಿಗಳಲ್ಲಿ ಭಾಗವಹಿಸಲು ಇಚ್ಛಿಸುವ ಸಂಗೀತಾಸಕ್ತರು ಮತ್ತು ಸಂಗೀತ ವಿದ್ಯಾರ್ಥಿಗಳು masterclass.sangeetbharati.org ನಲ್ಲಿ ಹೆಸರು ನೋಂದಾಯಿಸಿಕೊಳ್ಳಬೇಕು ಸಂಗೀತ ಭಾರತಿ ಪ್ರತಿಷ್ಠಾನದ ಕಾರ್ಯದರ್ಶಿ ಡಾ. ಉಷಾಪ್ರಭಾ ಎನ್. ನಾಯಕ್ ಹೇಳಿದರು.
