ಕಳೆದ ಎರಡು ದಿನಗಳಲ್ಲಿ ಜಿಂದಾಲ್ ವಿದ್ಯಾನಗರ 13, ಎಚ್ಎಸ್ಟಿ 2, ಶಂಕರಗುಡ್ಡ ಕಾಲನಿ 4, ಸನ್ ರೈಸ್ ಕಾಲನಿ 2, ತೋರಣಗಲ್ 6, ತೋರಣಗಲ್ ರೈನಿ. 2, ರಾಜಾಪುರ ಸೋಲಾರ ಪ್ಲಾಂಟ್ 5, ಕೆಪಿಸಿಎಲ್ ಕಾಲನಿ 2, ವಡ್ಡು 1, ಪವರ್ ಪ್ಲಾಂಟ್ 3, ಅಂತಾಪುರ 2, ಚೋರುನೂರು ಹೋಬಳಿ 5, ಸಂಡೂರಿನಲ್ಲಿ ಒಬ್ಬರಿಗೆ ಸೋಂಕು ಕಾಣಿಸಿದೆ. ಕಳೆದ ವರ್ಷದ ಎರಡನೇ ಅಲೆಯಲ್ಲಿ ಕಲ್ಯಾಣ ಕರ್ನಾಟಕದ ಹಾಟ್ಸ್ಪಾಟ್ ಕುಖ್ಯಾತಿಗೆ ಒಳಗಾಗಿದ್ದ ಜಿಂದಾಲ್ ಕಾರ್ಖಾನೆ ಪ್ರದೇಶವು ಈ ಬಾರಿಯೂ ಅದೇ ಹಾದಿ ಹಿಡಿದಿದೆ. 2022ರ ಜ.2ರಿಂದ ಆರಂಭವಾದ ಸೋಂಕುಗಳ ಸಂಖ್ಯೆ ಕೇವಲ 9-10 ದಿನದಲ್ಲಿ 100 ದಾಟಿದರೆ, 146 ಸಕ್ರಿಯ ಪ್ರಕರಣಗಳಿರುವುದು ಆತಂಕಕಾರಿ ಬೆಳವಣಿಗೆಯಾಗಿದೆ.
