2017ರ ಮರಳು ಟೆಂಡರ್ಗಿಂತ ವಿಭಿನ್ನವಾಗಿರುವ 2025ರ ಮರಳು ಟೆಂಡರ್ನಲ್ಲಿ ಹಲವು ವಿಶೇಷಗಳಿದ್ದು ಹೇಮಾವತಿ ನದಿ ಹರಿಯುವ ಆಲೂರು-ಬೇಲೂರು ಹಾಗೂ ಸಕಲೇಶಪುರ ತಾಲೂಕಿನ 26 ಮರಳು ಗಣಿಗಾರಿಕಾ ಪ್ರದೇಶಗಳ ಪೈಕಿ 6 ಎಕರೆಯಿಂದ 30 ಎಕರೆವರೆಗೆ ಟೆಂಡರ್ ಅವಕಾಶ ನೀಡಲಾಗಿತ್ತು. ಸಾಕಷ್ಟು ಸಣ್ಣ, ಮದ್ಯಮ ಹಾಗೂ ಬೃಹತ್ ಮರಳುಗಣಿಗಾರಿಕೆ ಪ್ರದೇಶಗಳನ್ನು ಗಣಿ ಇಲಾಖೆ ಸೂಚಿಸಿತ್ತು. ಇದರಿಂದಾಗಿ ತಮ್ಮ ಆರ್ಥಿಕ ಸಾಮರ್ಥ್ಯಕ್ಕೆ ತಕ್ಕಂತೆ ಗಣಿ ಪ್ರದೇಶಗಳನ್ನು ಟೆಂಡರ್ದಾರರ ಪಡೆದಿದ್ದರು. ಆದರೆ, ಈ ಬಾರಿ 26 ಮರಳು ಗಣಿಗಾರಿಕಾ ಪ್ರದೇಶಗಳು ಒಂದೇ ಗಾತ್ರದಲ್ಲಿದ್ದ ತಲಾ 12.5 ಎಕರೆ ಪ್ರದೇಶದಲ್ಲಿ ಪ್ರತಿಯೊಂದು ಗಣಿ ಪ್ರದೇಶದಲ್ಲಿ ಗಣಿಗಾರಿಕೆ ನಡೆಸಲು ಅವಕಾಶ ನೀಡಲಾಗಿದೆ. ಇದರಿಂದಾಗಿ ಹಲವು ಗಣಿ ಪ್ರದೇಶದಲ್ಲಿ ಯಥೇಚ್ಛವಾಗಿ ಮರಳು ದೊರೆತರೆ ಕೆಲವೆಡೆ ಸೀಮಿತ ಪ್ರದೇಶದಲ್ಲಿ ಮಾತ್ರ ಮರಳು ದೊರಕುವುದರಿಂದ ಟೆಂಡರ್ದಾರರಿಗೆ ನಷ್ಟವಾಗುವ ಸಾಧ್ಯತೆಯಿದೆ. ಕಳೆದ ಬಾರಿಯ ಮರಳು ಟೆಂಡರ್ ಪಡೆದ ವ್ಯಕ್ತಿ ನೇರವಾಗಿ ಮಾರಾಟದ ಹಕ್ಕು ಹೊಂದಿದ್ದರೆ ಈ ಬಾರಿ ಮರಳು ಮಾರಾಟದ ಹಕ್ಕು ಸರ್ಕಾರವೇ ಉಳಿಸಿಕೊಂಡಿರುವುದು ಈ ಬಾರಿಯ ವಿಶೇಷಗಳಲ್ಲಿ ಒಂದಾಗಿದೆ.
