ಅಧ್ಯಾತ್ಮ ಲೋಕಕ್ಕೆ ಸಾಮಗರ ಕೊಡುಗೆ ಅಪಾರ...

ಪೇಜಾವರ ವಿಶ್ವಪ್ರಸನ್ನ ಶ್ರೀ ಆಶೀರ್ವಚನ

ಸಾಮಗಾನ ಕಲಾಕೇಂದ್ರ ಉದ್ಘಾಟನೆ

ವಿಜಯವಾಣಿ ಸುದ್ದಿಜಾಲ ಉಡುಪಿ

ಅಧ್ಯಾತ್ಮ ಮತ್ತು ಕಲಾ ಲೋಕಕ್ಕೆ ದೊಡ್ಡ ಸಾಮಗರ ಕೊಡುಗೆ ಅಪಾರ. ಇದೀಗ ಅವರ ಮಾರ್ಗವನ್ನು ಮೊಮ್ಮಕ್ಕಳು, ಜನಾರ್ದನ ಅಡಿಗರು, ಇನ್ನಿತರ ಹಿರಿಯರೆಲ್ಲ ಸೇರಿ ಮುನ್ನಡೆಸಿಕೊಂಡು ಹೋಗುತ್ತಿರುವುದು ತುಂಬ ಶ್ಲಾಘನೀಯ ಸಂಗತಿ ಎಂದು ಪೇಜಾವರ ವಿಶ್ವಪ್ರಸನ್ನ ತೀರ್ಥ ಶ್ರೀಪಾದರು ನುಡಿದರು.

ವೇದಮೂರ್ತಿ ಮುರಳಿ ಉಪಾಧ್ಯಾಯ, ಅಲ್ವಿನ್​ ದಾಂತಿ, ವಿಜಯ ಕೊಡವೂರು, ಕೆ.ವಾರಿಜಾ ರಾವ್​ ಇತರರು ಮಾತನಾಡಿ, ದೊಡ್ಡ ಸಾಮಗರ ಪಾಂಡಿತ್ಯ, ಯಕ್ಷಗಾನ ಸೇವೆ, ಗಾಂಧಿ ತತ್ವ, ಕೃಷಿ ಹಾಗೂ ಧಾರ್ಮಿಕ ಚಿಂತನೆಯ ಅನುಭವಗಳನ್ನು ಹಂಚಿಕೊಂಡರು.

ತಂದೆಯ ಕೆಲಸ ಮುಂದುವರಿಕೆ

ದೊಡ್ಡ ಸಾಮಗರ ಒಡನಾಡಿಗಳು, ಸ್ಥಳೀಯ ಹಿರಿಯರು ಹಾಗೂ ಯಕ್ಷಗಾನದಲ್ಲಿ ಸೇವೆ ಸಲ್ಲಿಸಿದವರನ್ನು ಸನ್ಮಾನಿಸಲಾಯಿತು.

ಮೊಗೇರಿ ಜನಾರ್ದನ ಅಡಿಗ ಅವರು ವೇದಘೋಷ, ಪಂಚಾಂಗ ಪಠಣ, ಸಾಮಗ ಅಜ್ಜ-ಅಜ್ಜಿಯರ ಬಗ್ಗೆ ಬರೆದ ಕವನ ವಾಚಿಸಿದರು. ಅನುಪಮಾ ದಂಪತಿ ಕಾರ್ಯಕ್ರಮ ನಿರ್ವಹಿಸಿದರು. ಸಭೆಯ ಕೊನೆಯಲ್ಲಿ ಮಧ್ವ ನಗರದ ವಿಶ್ವಕರ್ಮ ಕುಣಿತ ಭಜನಾ ಮಂಡಳಿಯವರಿಂದ ಭಜನಾ ಸೇವೆ ನೆರವೇರಿತು.