ನ.2ರಂದು ಸಾಲಿಗ್ರಾಮ ಪ.ಪಂ. ಅಧ್ಯಕ್ಷ, ಉಪಾಧ್ಯಕ್ಷರ ಚುನಾವಣೆ

ಕೋಟ: ಸಾಲಿಗ್ರಾಮ ಪಟ್ಟಣ ಪಂಚಾಯಿತಿ ನೂತನ ಅಧ್ಯಕ್ಷ, ಉಪಾಧ್ಯಕ್ಷರ ಚುನಾವಣೆ ನ.2ರಂದು ನಡೆಯಲಿದೆ. ಬೆಳಗ್ಗೆ 10 ಗಂಟೆಗೆ ನಾಮಪತ್ರ ಸಲ್ಲಿಕೆ ಪ್ರಕ್ರಿಯೆ ಪ್ರಾರಂಭಗೊಂಡು, ಮಧ್ಯಾಹ್ನ 3 ಗಂಟೆಗೆ ಮತದಾನ ನಡೆಯಲಿದೆ. ಅಧ್ಯಕ್ಷ, ಉಪಾಧ್ಯಕ್ಷ ಎರಡು ಸ್ಥಾನಗಳು ಬಹುಮತವಿರುವ ಬಿಜೆಪಿ ಪಾಲಾಗಲಿದ್ದು, ಅಧ್ಯಕ್ಷ ಸ್ಥಾನಕ್ಕೆ ದೊಡ್ಡನೆಬೆಟ್ಟು ವಾರ್ಡ್‌ನ ಸುಲತಾ ಹೆಗ್ಡೆ, ಮಾರಿಗುಡಿ ವಾರ್ಡ್‌ನ ಸುಕನ್ಯಾ ಶೆಟ್ಟಿ ಅರ್ಹತೆ ಹೊಂದಿದ್ದಾರೆ. ಉಪಾಧ್ಯಕ್ಷ ಸ್ಥಾನಕ್ಕೆ ಗಿರಿಜಾ ಪೂಜಾರ್ತಿ, ರೇಖಾ ಕೇಶವ್, ಅನುಸೂಯ ಹೇರ್ಳೆ ಆಕಾಂಕ್ಷಿಗಳಾಗಿದ್ದಾರೆ.