ಸಾಯಿ ಪ್ರಾರ್ಥನಾ ರಾವ್ ಭರತನಾಟ್ಯ ರಂಗಪ್ರವೇಶ

ಮೈಸೂರು: ವಿದುಷಿ ಮಿತ್ರಾ ನವೀನ್ ಅವರ ಶಿಷ್ಯೆ ಎಚ್.ಸಾಯಿ ಪ್ರಾರ್ಥನಾ ರಾವ್ ‘ಭರತನಾಟ್ಯ ರಂಗಪ್ರವೇಶ’ ಮಾಡಲು ಅಣಿಯಾಗಿದ್ದಾರೆ.

ನಾದವಿದ್ಯಾಲಯ ಸಂಗೀತ ಮತ್ತು ನೃತ್ಯ ಅಕಾಡೆಮಿಯು ರಾಮಕೃಷ್ಣನಗರದ ರಮಾಗೋವಿಂದ ರಂಗಮಂದಿರದಲ್ಲಿ ಜ. 7ರಂದು ಸಂಜೆ 5.30ಕ್ಕೆ ಆಯೋಜಿಸಿರುವ ಕಾರ್ಯಕ್ರಮದಲ್ಲಿ ರಂಗ ಪ್ರವೇಶ ಮಾಡಲಿದ್ದಾರೆ. ಈ ವೇಳೆ ನಾನಾ ನೃತ್ಯಬಂಧಗಳನ್ನು ಪ್ರಸ್ತುತ ಪಡಿಸಲಿದ್ದಾರೆ.

ಇವರಿಗೆ ಹಿಮ್ಮೇಳದಲ್ಲಿ ಗುರು ವಿದುಷಿ ಮಿತ್ರಾ ನವೀನ್ (ಪರಿಕಲ್ಪನೆ, ನೃತ್ಯ ನಿರ್ದೇಶನ ಮತ್ತು ನಟುವಾಂಗ), ವಿದ್ವಾನ್ ನವೀನ್ ಅಂದಗಾರ್ (ಹಾಡುಗಾರಿಕೆ), ವಿದ್ವಾನ್ ವಿವೇಕ್ ಕೃಷ್ಣ (ಕೊಳಲು) ಹಾಗೂ ವಿದ್ವಾನ್ ಜಿ.ಎಸ್.ನಾಗರಾಜ್ (ಮೃದಂಗ) ಸಾಥ್ ನೀಡಲಿದ್ದಾರೆ.