18ನೇ ಶತಮಾನದಲ್ಲಿಯೇ ಟಿಪ್ಪುವಿನ ಜೀವನ ಚರಿತ್ರೆ, ಹೋರಾಟಗಳು ಮತ್ತು ಸಾಧನೆಗಳು ಜನಪದರ ಲಾವಣಿಗಳಲ್ಲಿ ದಾಖಲಾಗಿವೆ. ಇವುಗಳು ಪ್ರಮುಖವಾದ ಮೌಖಿಕ ಸಾಹಿತ್ಯಾಧಾರಗಳಾಗಿವೆ. ಇವುಗಳನ್ನು ಯಾರು ಕೂಡ ಅಲ್ಲಗಳೆಯಲು ಸಾಧ್ಯವಿಲ್ಲ. ಆದ್ದರಿಂದ ನೂರು ಬಾರಿ ಸುಳ್ಳುಗಳನ್ನು ಹೇಳಿ ಸತ್ಯವೆಂದು ನಿರೂಪಿಸಲು ಸಾಧ್ಯವಿಲ್ಲ. ಟಿಪ್ಪು ದೀನ-ದಲಿತರು, ಹಿಂದುಳಿದವವರಿಗೆ ಭೂಮಿ ಹಂಚಿಕೆ ಮಾಡಿದ್ದ. ಅಲ್ಲದೆ, ಶ್ಯಾನುಭೋಗರ ದುರಾಡಳಿತ ಹೆಚ್ಚಿದಾಗ ಶೂದ್ರ ಜನಾಂಗಕ್ಕೆ ಸೇರಿದ ವ್ಯಕ್ತಿಗಳನ್ನು ಪಟೇಲರು ಮತ್ತು ಗೌಡರನ್ನಾಗಿ ನೇಮಿಸಿದ್ದ. ಈ ಕ್ರಮಗಳು ಟಿಪ್ಪುವಿನ ಜನಪರ ಕಾರ್ಯಗಳಿಗೆ ಸಾಕ್ಷಿಯಾಗಿವೆ. ಇಂತಹ ಉದಾರ ಮನೋಭಾವದ ಟಿಪ್ಪುವನ್ನು ಕೆಲವರು ರಾಜಕೀಯ ತೆವಲಿಗಾಗಿ ಖಳನಾಯಕನಂತೆ ಚಿತ್ರಿಸಲು ಹೊರಟ್ಟಿದ್ದಾರೆ. ಆದ್ದರಿಂದ ಈ ಬಗ್ಗೆ ನಾಡಿನ ಜನರು ಎಚ್ಚರಿಕೆಯಿಂದಿರಬೇಕೆಂದು ಅವರು ಹೇಳಿದರು.
