ಮೈಸೂರಿನಲ್ಲಿ ಹೈಟೆಕ್ ವೇಶ್ಯಾವಾಟಿಕೆ- ಪೊಲೀಸರನ್ನೇ ಯಾಮಾರಿಸಿದ್ದ ಟಿಕ್​ಟಾಕ್​ ಸುಂದರಿ- ಇಲ್ಲಿವೆ ಈಕೆಯ ಕಲರ್​ಫುಲ್​ ವಿಡಿಯೋ...

ಮೈಸೂರು: ಸಾಂಸ್ಕೃತಿಕ ನಗರಿಯಲ್ಲಿ ಹೈಟೆಕ್ ವೇಶ್ಯಾವಾಟಿಕೆ ದಂಧೆ ನಡೆಯುತ್ತಿರುವ ಬಗ್ಗೆ ಇತ್ತೀಚಿನ ದಿನಗಳಲ್ಲಿ ಹೆಚ್ಚಿಗೆ ವರದಿಯಾಗುತ್ತಲೇ ಇದೆ. ಇಂಥದ್ದೊಂದು ಜಾಲವನ್ನು ಭೇದಿಸಲು ಹೊರಟ ಪೊಲೀಸರ ಕೈಗೆ ಸಿಕ್ಕಿಬಿದ್ದಿದ್ದಾಳೆ ಟಿಕ್​ಟಾಕ್​ ಸುಂದರಿ.

ವೇಶ್ಯಾವಾಟಿಕೆ ನಡೆಸುತ್ತಿದ್ದ ಕಟ್ಟಡದ ಮೇಲೆ ಸಿಸಿಬಿ ಪೊಲೀಸರು ದಾಳಿ ನಡೆಸಿ ಅದರ ಕಿಂಗ್​ಪಿನ್ ಆಗಿರುವ ಈಕೆಯನ್ನು ಬಂಧಿಸಿದ್ದಾಳೆ. ಈಕೆಯ ಜತೆಗೆ ವೇಶ್ಯಾವಾಟಿಕೆ ದಂಧೆಯಲ್ಲಿ ಸಹಕರಿಸುತ್ತಿದ್ದ ಮತ್ತೋರ್ವನನ್ನೂ ಬಂಧಿಸಲಾಗಿದೆ.

ಬಂಧಿತ ಮಹಿಳೆಯನ್ನು ಸುಮಾ ಎಂದು ಗುರುತಿಸಲಾಗಿದೆ. ಅಚ್ಚರಿಯ ಸಂಗತಿ ಎಂದರೆ ಈ ಮೊದಲು ವೇಶ್ಯಾವಾಟಿಕೆ ನಡೆಸುತ್ತಿದ್ದ ಆರೋಪದ ಮೇಲೆ ಈಕೆ ಸಿಕ್ಕಿಬಿದ್ದಿದ್ದಳು. ಆದರೆ ಎಷ್ಟು ಮುಗ್ಧೆಯಂತೆ ಈಕೆ ನಟನೆ ಮಾಡಿದಳು ಎಂದರೆ ಪೊಲೀಸರನ್ನೇ ಯಾಮಾರಿಸಿಬಿಟ್ಟಿದ್ದಳು. ಈಕೆಯನ್ನು ಆ ಜಾಗದಲ್ಲಿ ಪೊಲೀಸರು ಅರೆಸ್ಟ್​ ಮಾಡಿದ್ದಾಗ ನಾನು ಸಂತ್ರಸ್ತೆ, ಬಲವಂತದಿಂದ ನನ್ನನ್ನು ಈ ಜಾಲಕ್ಕೆ ತಳ್ಳಿದ್ದಾರೆ ಎಂದು ಹೇಳಿ ಕಣ್ಣಿರಿಟ್ಟಿದ್ದಳು.

ಇದನ್ನು ನಂಬಿದ್ದ ಪೊಲೀಸರು ಆಕೆಯನ್ನು ಸಂತ್ರಸ್ತೆ ಎಂದು ಹೇಳಿಕೊಂಡಿದ್ದಳು. ಇದೀಗ ಬಂಧನವಾದಾಗಲೇ ಈಕೆಯ ಅಸಲಿಯತ್ತು ಹೊರಕ್ಕೆ ಬಂದಿದೆ. ಇವಳೇ ಇದರ ಕಿಂಗ್​ಪಿನ್​ ಎಂದು ತಿಳಿದಿದೆ.

ಟಿಕ್ ಟಾಕ್ ಸೇರಿದಂತೆ ಸಾಮಾಜಿಕ ಜಾಲತಾಣಗಳಲ್ಲಿ ಸಕ್ರಿಯವಾಗಿದ್ದ ಸುಮಾ, ಸುಂದರಿಯಂತೆ ಮೇಕಪ್​ ಮಾಡಿಕೊಂಡು ಯುವಕರನ್ನು ತನ್ನ ದಂಧೆಗೆ ಸೆಳೆಯುತ್ತಿದ್ದಳು. ಸದ್ಯ ಮೇಟಗಳ್ಳಿ ಪೋಲಿಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ. ಇವಳ ಜತೆ ಸಿದ್ದರಾಜು ಎಂಬಾತನನ್ನೂ ಬಂಧಿಸಲಾಗಿದೆ.

https://www.vijayavani.net/s-life-saving-act-by-rpf-personnel/

https://www.vijayavani.net/s-mamata-banerjee-declares-assets/

https://www.vijayavani.net/s-170-mlas-left-congress/