ಕೃತಿಗಳಲ್ಲಿ ಅಜರಾಮರರಾದ ಎಸ್​.ಎಲ್​. ಭೈರಪ್ಪ

ಶ್ರೀನಿವಾಸ ರಾವ್​ ಕೆ. ಅನಿಸಿಕೆ

ಉಡುಪಿಯಲ್ಲಿ ನುಡಿನಮನ ಕಾರ್ಯಕ್ರಮ

ವಿಜಯವಾಣಿ ಸುದ್ದಿಜಾಲ ಉಡುಪಿ

ಕನ್ನಡದ ಸಾಹಿತ್ಯ ಕ್ಷೇತ್ರದಲ್ಲಿ ಎಸ್​.ಎಲ್​. ಭೈರಪ್ಪ ಅವರು ಮೇರು ಪರ್ವತ, ಶ್ರೇಷ್ಠ ಪ್ರತಿಭೆ. ಅವರ ಜನಪ್ರಿಯ ಕಾದಂಬರಿಗಳು ಬಹುಭಾಷೆಯಲ್ಲಿ ಅನುವಾದಗೊಂಡು ವಿಶ್ವವಿಖ್ಯಾತವಾಗಿದೆ. ದೇಹದಿಂದ ನಮ್ಮನ್ನೆಲ್ಲ ಅಗಲಿದ್ದರೂ ರಚಿಸಿದ ಕೃತಿಗಳಲ್ಲಿ ಅಜರಾಮರರಾಗಿದ್ದಾರೆ ಎಂದು ಸಮಾನ ಮನಸ್ಕ ಕನ್ನಡಿಗರ ವೇದಿಕೆಯ ಅಧ್ಯಕ್ಷ ಶ್ರೀನಿವಾಸ ರಾವ್​ ಕೆ. ಅನಿಸಿಕೆ ವ್ಯಕ್ತಪಡಿಸಿದರು.

ಉಡುಪಿಯ ಕಾತ್ಯಾಯಿನಿ ನಗರದಲ್ಲಿ ಸಮಾನ ಮನಸ್ಕ ಕನ್ನಡಿಗರ ವೇದಿಕೆಯಿಂದ ಶನಿವಾರ (ಸೆ.27) ಆಯೋಜಿಸಿದ್ದ ಎಸ್​.ಎಲ್​. ಭೈರಪ್ಪ ನುಡಿನಮನ ಕಾರ್ಯಕ್ರಮದಲ್ಲಿ ಮಾತನಾಡಿದರು.

ಜ್ಞಾನಪೀಠ ಪ್ರಶಸ್ತಿ ನೀಡಿ

ವೇದಿಕೆಯ ಸದಸ್ಯ ಸುರೇಶ ಡಿ. ಮಾತನಾಡಿ, ಎಸ್​.ಎಲ್​. ಭೈರಪ್ಪ ಅವರು ಕಾದಂಬರಿಗಳ ಮೂಲಕವೇ ಖ್ಯಾತರಾಗಿದ್ದು, ಬೃಹತ್​ ಓದುಗ ವರ್ಗವೇ ಇದೆ. ಅವರ ನಡೆ-ನುಡಿ, ಬರಹ ಒಂದೇ ಆಗಿತ್ತು. ಭೈರಪ್ಪ ಅವರ ಸಾಹಿತ್ಯ ಸಾಧನೆಗೆ ಜ್ಞಾನಪೀಠ ಪ್ರಶಸ್ತಿ ಲಭಿಸಬೇಕಿತ್ತು. ಈಗಲೂ ಸಹ ಅವರಿಗೆ ಮರಣೋತ್ತರ ಜ್ಞಾನಪೀಠ ಪ್ರಶಸ್ತಿ ಕೊಡಲು ಸರ್ಕಾರ ಮನಸ್ಸು ತೋರಬೇಕು ಎಂದರು.

ವೇದಿಕೆಯ ಸದಸ್ಯೆ ಅನುರಾಧಾ ಜಿ.ಎಸ್​. ಮಾತನಾಡಿದರು. ಕಾರ್ಯಕ್ರಮದಲ್ಲಿ ಸದಸ್ಯರಾದ ಸಹನಾ, ಸುನೀತಾ, ಸಂಗೀತಾ, ರೇಣುಕಾ, ವಿದ್ಯಾ, ವಿಜಯ, ವಾಸು ಪಿ., ರಾಘವೇಂದ್ರ, ರಮಾನಂದ, ಹೇಮಲತಾ, ಲಕ್ಷ್ಮೀ, ವಿಜಯಲಕ್ಷ್ಮೀ, ಕೃಷ್ಣ ಕೆ., ಚಂದ್ರಶೇಖರ, ಅಶೋಕ ಇತರರು ಉಪಸ್ಥಿತರಿದ್ದರು.