ಅಬ್ಬಾ! ಶ್ರೀರಾಮನ ಮೇಲೆ ಇದೆಂಥ ಪ್ರೀತಿ... ಕೋಲಾರದ ಪಾಚಾಸಾಬ್​ರ ಭಕ್ತಿಗೆ ಅವರೇ ಸಾಟಿ...

ಕೋಲಾರ: ಹಿಂದೂ- ಮುಸ್ಲಿಂ ಸಮುದಾಯದ ನಡುವೆ ಭಾರಿ ವಿವಾದಕ್ಕೆ ಕಾರಣವಾಗಿದ್ದ ಅಯೋಧ್ಯೆಯ ಶ್ರೀರಾಮ ಜನ್ಮ ಭೂಮಿಗಾಗಿ ಜಾತಿ-ಧರ್ಮವನ್ನು ಮೀರಿ ಅದೆಷ್ಟೋ ಮಂದಿ ಸೇವೆ ಸಲ್ಲಿಸಿರುವುದೂ ಅಷ್ಟೇ ನಿಜ.

ಇದೀಗ ಅಂಥದ್ದೇ ಒಂದು ಸೇವೆಯನ್ನು ಮಾಡಲು ಹೊರಟಿದ್ದಾರೆ ಕೋಲಾರದ ನಿವೃತ್ತ ಶಿಕ್ಷಕ ಪಾಚಾಸಾಬ್​. ವಯಸ್ಸು ಬರೋಬ್ಬರಿ 96! ಶ್ರೀರಾಮನ ಅಪಾರ ಭಕ್ತರಾಗಿರುವ ಪಾಚಾಸಾಬ್​ ಅವರು ಶ್ರೀರಾಮ ಕೋಟಿ (ಕೋಟಿ ಬಾರಿ ಶ್ರೀರಾಮನ ಹೆಸರನ್ನು ಬರೆಯುವುದು) ಬರೆದಿದ್ದಾರೆ. ಪುಸ್ತಕ ಮಾತ್ರವಲ್ಲದೇ, ಎಕ್ಕದ ಎಲೆ, ಆಲದ ಎಲೆ, ಕಂಚಿನ ಎಲೆಯ ಮೇಲೂ ಶ್ರೀರಾಮ ಕೋಟಿ ಬರೆದಿರುವ ಅವರ ಆಸೆ ಇದನ್ನು ಹೇಗಾದರೂ ಮಾಡಿ ಅಯೋಧ್ಯೆಗೆ ಕಳುಹಿಸಬೇಕು ಎನ್ನುವುದು.

22 ವರ್ಷಗಳ ಕಾಲ ಶಿಕ್ಷಕನಾಗಿ ಸೇವೆ ಸಲ್ಲಿಸಿರುವ ಅವರು, ಹಿಂದೊಮ್ಮೆ ಸ್ನೇಹಿತರ ಜತೆ ಭದ್ರಚಲಂ ದೇವಾಲಯಕ್ಕೆ ಹೋಗಿದ್ದರಂತೆ. ಅಲ್ಲಿ ಒಬ್ಬ ಸಾಧು ಶ್ರೀರಾಮ ಕೋಟಿ ಬರೆಯುತ್ತಿದ್ದನ್ನು ಕಂಡಿದ್ದಾರೆ. ಆಗ ಇದು ಏನೆಂದರೆ ವಿಚಾರಿಸಿದ್ದರಂತೆ. ಹೀಗೆ ಬರೆದರೆ ಜೀವನದಲ್ಲಿ ಒಳ್ಳೆಯದಾಗುತ್ತದೆ ಎಂದು ಸಾಧು ಹೇಳಿದ್ದಾರೆ.

ಅಲ್ಲಿಂದಲೇ ತಮ್ಮ ಕಾರ್ಯ ಶುರು ಮಾಡಿರುವ ಪಾಚಾಸಾಬ್​ ಶ್ರೀರಾಮ ಕೋಟಿ ಬರೆಯುವುದನ್ನು ಪ್ರಾರಂಭಿಸಿದ್ದಾರೆ. ಅಕ್ಟೋಬರ್ 15ರಂದು 1 ಕೋಟಿ ಬರೆದು ಮುಗಿಸಿದ್ದಾರೆ.

ಗೋವಾ ಲೋಕಾಸೇವಾದಿಂದ ನಡೆದ ಗೋವಾ ಸತ್ಯಾಗ್ರಹದಲ್ಲಿ ಕೃಷ್ಣಯ್ಯಶೆಟ್ಟಿರವರ ನೇತೃತ್ವದಲ್ಲಿ ಸ್ವಾತಂತ್ರಕ್ಕೆ ಸತ್ಯಾಗ್ರಹದಲ್ಲಿ ಭಾಗವಹಿಸಿದ್ದು, ಅದರ ಸವಿ-ನೆನಪುಗಳನ್ನು ಇಂದಿಗೂ ಹಂಚಿಕೊಳ್ಳುತ್ತಾರೆ.

https://www.vijayavani.net/s-self-guru-120-years-jail/

https://www.vijayavani.net/s-mask-security-guard-and-sisiters-fighting/

https://www.vijayavani.net/s-online-game-complaint-by-father/