ಮಾಸ್ಕ್​ ಧರಿಸದೇ ಕರೊನಾ ವಿರುದ್ಧ ಜಾಗೃತಿ ಮೂಡಿಸುವೆ ಎಂದ ಶಾಸಕ ಸುನೀಲ್​

ಭಟ್ಕಳ: ಸದ್ಯ ಎಲ್ಲೆಲ್ಲೂ ಮಾಸ್ಕ್​ಗಳದ್ದೇ ಮಾತು. ಮಾಸ್ಕ್​ ಧರಿಸುವುದರಿಂದ ಕರೊನಾ ಎಷ್ಟರಮಟ್ಟಿಗೆ ತಡೆಗಟ್ಟಬಹುದು ಎಂಬ ಬಗ್ಗೆ ಇದುವರೆಗೆ ಸ್ಪಷ್ಟ ಉಲ್ಲೇಖ ಎಲ್ಲೂ ಇಲ್ಲ. ಮಾಸ್ಕ್​ ಧರಿಸುವುದು ಪ್ರಯೋಜವೇ ಇಲ್ಲ ಎಂದು ಕೆಲವರು ವಾದಿಸುತ್ತಿದ್ದಾರೆ. 24 ಗಂಟೆ ಮಾಸ್ಕ್​ ಹಾಕಿಕೊಂಡವರಿಗೂ ಕರೊನಾ ಸೋಂಕು ಬಂದಿದೆ ಎನ್ನುವುದು ಅವರ ವಾದ.

ಅದೇನೇ ಇದ್ದರೂ ಸದ್ಯ ಸರ್ಕಾರದ ನಿಯಮದ ಅನ್ವಯ ಕರೊನಾವನ್ನು ತಕ್ಕಮಟ್ಟಿಗಾದರೂ ನಿಯಂತ್ರಣ ಮಾಡಲು ಮಾಸ್ಕ್​ ಕಡ್ಡಾಯವಾಗಿ ಧರಿಸಲೇಬೇಕು. ಇಲ್ಲದಿದ್ದರೆ ಭಾರಿ ಪ್ರಮಾಣದ ದಂಡ ವಿಧಿಸಲಾಗುತ್ತದೆ. ಸೀನುವಾಗ, ಕೆಮ್ಮುವಾಗ ಇಲ್ಲವೇ ಮಾತನಾಡುವ ಸಮಯದಲ್ಲಿ ಕರೊನಾ ಸೋಂಕು ಬೇರೆಯವರಿಗೆ ಹರಡದುವನ್ನು ತಡೆಗಟ್ಟುವ ನಿಟ್ಟಿನಲ್ಲಿ ಈ ಮಾಸ್ಕ್​ ಕಡ್ಡಾಯ ಮಾಡಲಾಗಿದೆ.

ಇದನ್ನೂ ಓದಿ: ‘ನಿವಾರ್’​ ಸುಧಾರಿಸಿಕೊಳ್ಳುವ ಮೊದಲೇ ಅಪ್ಪಳಿಸುತಿದೆ ‘ಬುರೆವಿ’- ಎಲ್ಲೆಡೆ ಹೈ ಅಲರ್ಟ್​

ಆದರೆ ಇದೀಗ ತಾವು ಮಾಸ್ಕ್​ ಧರಿಸುವುದಿಲ್ಲ ಎನ್ನುವ ಮೂಲಕ ಬಿಜೆಪಿ ಶಾಸಕ ಸುನೀಲ್ ನಾಯ್ಕ ಚರ್ಚೆಗೆ ಗ್ರಾಸರಾಗಿದ್ದಾರೆ. ನಾನು ಮಾಸ್ಕ್ ಧರಿಸದೇ ಕರೊನಾ ಜಾಗೃತಿ ಮಾಡುತ್ತೇನೆ ಎಂದಿದ್ದಾರೆ.

ಉತ್ತರ ಕನ್ನಡ ಜಿಲ್ಲೆಯ ಭಟ್ಕಳದ ಶಾಸಕರಾಗಿರುವ ಸುನೀಲ್​, ಇಲ್ಲಿ ನಡೆದ ಕಾರ್ಯಕ್ರಮವೊಂದರಲ್ಲಿ ಮಾತನಾಡುತ್ತಾ, ನಾನು ಮಾಸ್ಕ್​ ಧರಿಸುವುದಿಲ್ಲ. ಮಾಸ್ಕ್​ ಧರಿಸದೇ ಕರೊನಾ ವಿರುದ್ಧ ಜಾಗೃತಿ ಮಾಡುತ್ತೇನೆ ಎಂದಿದ್ದಾರೆ.

ಅವರು ಈ ವಿಷಯವನ್ನು ಓರ್ವ ಕರೊನಾ ಸೋಂಕಿತರಾಗಿ ಹೇಳಿರುವುದು ಎಲ್ಲರಲ್ಲಿಯೂ ಅಚ್ಚರಿ ಮೂಡಿಸಿದೆ. ಕಳೆದ ಆಗಸ್ಟ್​ನಲ್ಲಿ ಇವರಿಗೆ ಕರೊನಾ ಸೋಂಕು ಕಾಣಿಸಿಕೊಂಡಿತ್ತು. ಚಿಕಿತ್ಸೆ ಪಡೆದು ಗುಣಮುಖರಾಗಿ ಆಸ್ಪತ್ರೆಯಿಂದ ಅವರು ಬಿಡುಗಡೆಗೊಂಡಿದ್ದಾರೆ.

https://www.vijayavani.net/s-jnu-student-father-letter-to-dig/

https://www.vijayavani.net/s-man-attacked-on-children-and-wife/

https://www.vijayavani.net/s-raichur-case-lady-and-his-lover-arrested/