ವಿಚ್ಛೇದನಕ್ಕೆಂದು ಬಂದ ಐವರು ತುಮಕೂರಿನ ದಂಪತಿ, ಹಾರ ಬದಲಿಸಿಕೊಂಡು ಜತೆಯಾಗಿ ಹೋದರು!

ತುಮಕೂರು: ಇತ್ತೀಚೆಗೆ ದಂಪತಿಯ ನಡುವೆ ತೀರಾ ಚಿಕ್ಕಪುಟ್ಟ ವಿಷಯಗಳೂ ಕೋರ್ಟ್​ ಮೆಟ್ಟಿಲೇರಿ ವಿಚ್ಛೇದನಕ್ಕೆ ತಿರುಗುತ್ತಿವೆ. ಎಷ್ಟೋ ಸಂದರ್ಭಗಳಲ್ಲಿ ದಂಪತಿಯ ನಡುವೆ ಸಾಮರಸ್ಯ ಮೂಡಿಸುವ ಯತ್ನಗಳು ನಡೆಯುವುದೇ ಇಲ್ಲವಾದ್ದರಿಂದ ಮೊಂಡು ಹಠಕ್ಕೆ ಬಿದ್ದು ವಿಚ್ಛೇದನ ಪಡೆದುಕೊಳ್ಳುತ್ತಿದ್ದಾರೆ.

ಆದರೆ ಇಂಥವರ ಮನಸ್ಸನ್ನು ಪರಿವರ್ತಿಸಿ, ಒಡೆದು ಹೋಗುತ್ತಿರುವ ದಾಂಪತ್ಯ ಜೀವನವನ್ನು ಪುನಃ ಒಂದು ಮಾಡಿದೆ ತುಮಕೂರಿನ ಲೋಕ್​ ಅದಾಲತ್​. ಡಿವೋರ್ಸ್​ ಪಡೆಯಲೆಂದು ಬಂದ ಐದು ಜೋಡಿಗಳು ಪುನಃ ಒಂದಾಗಿ ಹೋಗಿವೆ. ತಮ್ಮ ತಮ್ಮ ನಡುವೆ ಇದ್ದ ಚಿಕ್ಕಪುಟ್ಟ ಭಿನ್ನಾಭಿಪ್ರಾಯವನ್ನು ಹೋಗಲಾಡಿಸಿಕೊಂಡು ಈ ಐದು ಜೋಡಿ ಪುನಃ ಒಂದಾಗಿವೆ.

ವಕೀಲರು ಹಾಗೂ ನ್ಯಾಯಾಧೀಶರ ಸಲಹೆ ಮೇರೆಗೆ ದಂಪತಿ ಒಂದಾಗಿದ್ದು, ತುಮಕೂರು ಜಿಲ್ಲಾ ನ್ಯಾಯಾಲಯದಲ್ಲಿ ನಡೆದ ಲೋಕ್ ಅದಾಲತ್​ನಲ್ಲಿ ಈ ಘಟನೆ ನಡೆದಿದೆ. ಇವರಿಗೆ ಕೌನ್ಸೆಲಿಂಗ್​ ಮಾಡಿದ ನಂತರ ತಮ್ಮ ತಪ್ಪಿನ ಅರಿವಾಗಿದ್ದು, ದಂಪತಿ ಪುನಃ ಪರಸ್ಪರ ಹಾರ ಬದಲಾಯಿಸಿಕೊಂಡು ಒಂದಾಗಿದ್ದಾರೆ.

ದಾಂಪತ್ಯ ಒಡೆದು ಹೋದ ಮೇಲೆ ತಮ್ಮ ಮಕ್ಕಳ ಭವಿಷ್ಯ ಇನ್ನೇನು ಎಂದು ಚಿಂತಿಸುತ್ತಿದ್ದ ಕುಟುಂಬಸ್ಥರೂ ಈಗ ನೆಮ್ಮದಿಯ ಉಸಿರು ಬಿಟ್ಟಿದ್ದಾರೆ. (ದಿಗ್ವಿಜಯ ನ್ಯೂಸ್​)

https://www.vijayavani.net/s-facilities-for-visitors-coming-to-swatantra-nadige/

https://www.vijayavani.net/s-police-personnel-have-been-awarded-medals/

https://www.vijayavani.net/s-pv-sindhu-withdraws-from-badminton-world-championships-due-to-stress/