ಬೆಳಗಾವಿಯಲ್ಲಿ ನಿಯಮ ಉಲ್ಲಂಘಿಸಿ ಶಾಸಕ ಬೆನಕೆ ಓಡಾಟ! ಮತದಾರರು ಆಕ್ರೋಶ

ಬೆಳಗಾವಿ: ಇಲ್ಲಿನ ವಿಶ್ವೇಶ್ವರಯ್ಯ ನಗರದ 28,28ಎ ಮತ ಕೇಂದ್ರದಲ್ಲಿ ಬೆಳಗಾವಿ ಉತ್ತರ ವಿಧಾನಸಭಾ ಕ್ಷೇತ್ರದ ಬಿಜೆಪಿ ಶಾಸಕ ಅನಿಲ್ ಬೆನಕೆ ತಮ್ಮ ಬೆಂಬಲಿಗರೊಂದಿಗೆ ಮತದಾನ ಕೇಂದ್ರದಲ್ಲಿ ಓಡಾಡುತ್ತಿರುವುದಕ್ಕೆ ಮತದಾರರು ತೀವ್ರ ಆಕ್ರೋಶ ವ್ಯಕ್ತಪಡಿಸಿದರು.

ಮತ ಕೇಂದ್ರದಲ್ಲಿ ಮಾಸ್ಕ್, ಸಾಮಾಜಿಕ ಅಂತರ ಕಡ್ಡಾಯ ನಿಯಮ ಹಾಗೂ ಮತ ಕೇಂದ್ರದಲ್ಲಿ ಒಟ್ಟಿಗೆ ನಾಲ್ಕೈದು ಜನರಿಗೆ ಹೋಗಲು ಅವಕಾಶ ಇಲ್ಲ.‌
ಆದರೆ, ‘ಬೆನಕೆ ಅವರು ಮುಖಕ್ಕೆ‌ಮಾಸ್ಕ್ ಹಾಕಿಕೊಳ್ಳದೆ ತಮ್ಮ ಬೆಂಬಲಿಗರನ್ನು ಕರೆದುಕೊಂಡು ಮತ ಕೇಂದ್ರಗಳಲ್ಲಿ ಓಡಾಡುತ್ತಿದ್ದರು. ‌ಇದಕ್ಕೆ ಸ್ಥಳದಲ್ಲಿಯೇ ಮತದಾರರು ಆಕ್ಷೇಪ ವ್ಯಕ್ತಪಡಿಸಿದರು. ಆದರೆ, ಸ್ಥಳದಲ್ಲಿದ್ದ ಯಾವುದೇ ಅಧಿಕಾರಿಗಳು ಮತದಾರರ ಸಮಸ್ಯೆಗೆ ಸ್ಪಂದಿಸುತ್ತಿಲ್ಲ ಎಂದು ಆಕ್ರೋಶ ವ್ಯಕ್ತವಾಗಿದೆ.

ಇದೇ ವೇಳೆ, ಅನಿಲ್ ಬೆನಕೆ ಅವರು ಚುನಾವಣಾ ನೀತಿ ಉಲ್ಲಂಘಿಸಿರುವ ಆರೋಪ ಎದುರಿಸುತ್ತಿದ್ದಾರೆ. ಚುನಾವಣಾ ನೀತಿ ಸಂಹಿತೆ ಉಲ್ಲಂಘಿಸಿ ಮತದಾನದ ಕೊಠಡಿಗೆ ಭೇಟಿ ನೀಡಿ ಬಂದಿರುವುದಾಗಿ ಆರೋಪಿಸಲಾಗಿದೆ.

ಬೆಳಗಾವಿಯ ವಿಶ್ವೇಶ್ವರಯ್ಯ ನಗರದ ಸರ್ಕಾರಿ ಶಾಲೆಗೆ ಭೇಟಿ ನೀಡಿ ಬಂದಿದ್ದು ಮಾತ್ರವಲ್ಲದೇ, ಮತದಾನದ ಕೊಠಡಿಯಲ್ಲೇ ಮೊಬೈಲ್ ನಲ್ಲಿ ಮಾತನಾಡಿರುವುದಾಗಿ ಆರೋಪಿಸಲಾಗಿದೆ. ಭೇಟಿ ವೇಳೆ ಮತದಾರರ ಮೇಲೆ ಪ್ರಭಾವ ಬೀರಿದ್ದಾರೆ ಎನ್ನಲಾಗಿದ್ದು, ಇವರ ವಿರುದ್ಧ ಈಗ ಗಂಭೀರ ಆರೋಪ ಕೇಳಿಬಂದಿದೆ.

https://www.vijayavani.net/s-money-distribution-by-congress-candidate/

https://www.vijayavani.net/s-chamrajnagara-darga-death-case-reveled/