ಧಾರವಾಡದ ಭೀಕರ ಅಪಘಾತದಲ್ಲಿ ಬದುಕುಳಿದ ಮಹಿಳೆ ಏರ್​ಲಿಫ್ಟ್​ ಮೂಲಕ ಬೆಂಗಳೂರಿಗೆ...

ಬೆಂಗಳೂರು: ಇಡೀ ರಾಜ್ಯವನ್ನೇ ಬೆಚ್ಚಿಬೀಳಿಸುವಂಥ ಭಯಾನಕ ಅಪಘಾತ ನಿನ್ನೆ (ಜ.15) ಧಾರವಾಡ ಸಮೀಪ ನಡೆದಿದೆ. ಟೆಂಪೋ ಟ್ರಾವೆಲರ್ ಹಾಗೂ ಟಿಪ್ಪರ್ ನಡುವಿನ ಭೀಕರ ಅಪಘಾತದಲ್ಲಿ 11 ಮಹಿಳೆಯರು ಬಲಿಯಾಗಿದ್ದಾರೆ. ಗೋವಾದ ಪ್ರವಾಸಕ್ಕೆ ಹೊರಟಿಸಿದ್ದ ಈ ಗೆಳತಿಯರು ಒಟ್ಟಿಗೇ ಇಹಲೋಹ ತ್ಯಜಿಸಿದ್ದಾರೆ.

ಟಿಪ್ಪರ್​ ಚಾಲಕ ಸೇರಿದಂತೆ ಐವರಿಗೆ ಗಾಯಗಳಾಗಿದ್ದು, ಈ ಪೈಕಿ ಕೆಲವರ ಸ್ಥಿತಿ ಚಿಂತಾಜನಕವಾಗಿದೆ. ಸಾವುನೋವಿನ ನಡುವೆ ನರಳಾಡುತ್ತಿರುವ ಮಹಿಳೆಯೊಬ್ಬರನ್ನು ಇಂದು ಏರ್ ಆಂಬ್ಯುಲೆನ್ಸ್ ಮೂಲಕ ಇಂದು ಬೆಳಗ್ಗೆ ಏರ್ ಲಿಫ್ಟ್ ಮಾಡಲಾಗಿದೆ. ಇವರ ಹೆಸರು ಇನ್ನೂ ಸ್ಪಷ್ಟವಾಗಿಲ್ಲ.

ಅಪಘಾತ ನಡೆದ ತಕ್ಷಣ ಇವರನ್ನು ನಿನ್ನೆ ಹುಬ್ಬಳ್ಳಿಯ ಆಸ್ಪತ್ರೆಗೆ ದಾಖಲು ಮಾಡಲಾಗಿತ್ತು. ಆದರೆ ಪರಿಸ್ಥಿತಿ ವಿಕೋಪಕ್ಕೆ ಹೋಗಿರುವ ಹಿನ್ನೆಲೆಯಲ್ಲಿ, ಹುಬ್ಬಳ್ಳಿಯಿಂದ ಅವರನ್ನು ಬೆಂಗಳೂರಿಗೆ ಕರೆತರಲಾಗಿದ್ದು, ಮಣಿಪಾಲ್ ಆಸ್ಪತ್ರೆಗೆ ದಾಖಲು ಮಾಡಲಾಗಿದೆ.

ಇವರನ್ನು ನೋಡಿಕೊಳ್ಳಲು ತಜ್ಱ ವೈದ್ಯರು ಹುಬ್ಬಳ್ಳಿಗೆ ಬಂದಿದ್ದು, ಅವರು ಬೆಂಗಳೂರಿನವರೆಗೆ ಮಹಿಳೆಯನ್ನು ಕರೆತಂದಿದ್ದಾರೆ. ಇದು ಸುಲಭದ ಕೆಲಸವಾಗಿರಲಿಲ್ಲ. ತುಂಬಾ ಕಠಿಣ ಸವಾಲುಗಳನ್ನು ಎದುರಿಸಬೇಕಾಗಿತ್ತು. ಆದರೆ ವೈದ್ಯರು ಕೆಲಸವನ್ನು ಅಚ್ಚುಕಟ್ಟಾಗಿ ನಿಭಾಯಿಸಿದ್ದಾರೆ ಎಂದು ಐಸಿಎಟಿಟಿ ಸ್ಥಾಪಕ ಅಧ್ಯಕ್ಷೆ ಡಾ. ಶಾಲಿನಿ ನಲವಾಡ್ ತಿಳಿಸಿದ್ದಾರೆ. ಮಹಿಳೆಯ ತಲೆಗೆ ವಿಪರೀತ ಏಟಾಗಿದ್ದು, ನಿನ್ನೆಯಿಂದಲೂ ಏರೋಮೆಡಿಕಲ್ ಕಮಾಂಡೊಗಳು ನಿರಂತರ ಸಂಪರ್ಕದಲ್ಲಿದ್ದರು ಎಂದು ಅವರು ಮಾಹಿತಿ ನೀಡಿದ್ದಾರೆ.

ಸದ್ಯ ಮಹಿಳೆಯ ಆರೋಗ್ಯ ಸ್ಥಿತಿ ಸ್ಥಿರವಾಗಿದ್ದು, ಬೆಂಗಳೂರಿನಲ್ಲಿ ಶೀಘ್ರವಾಗಿ ಕರೆತರಲು ಹೆಚ್ ಎಎಲ್ ವಿಮಾನ ನಿಲ್ದಾಣ ಮತ್ತು ಮಣಿಪಾಲ್ ಆಸ್ಪತ್ರೆ ಮಧ್ಯೆ ಗ್ರೀನ್ ಕಾರಿಡಾರ್ ಸೃಷ್ಟಿಸಿ ಕರೆತರಲಾಯಿತು ಎಂದು ಶಾಲಿನಿಯವರು ಮಾಹಿತಿ ನೀಡಿದ್ದಾರೆ. ಆಶಾ ಬೆಟೂರು ಎಂಬ ಗಾಯಾಳುವನ್ನು ದಾವಣಗೆರೆ ಆಸ್ಪತ್ರೆಗೆ ದಾಖಲಿಸಲಾಗಿದೆ.

ಈ ಇಬ್ಬರು ಸೇರಿದಂತೆ ಮತ್ತಿಬ್ಬ ಮಹಿಳೆಯರು ಹಿಂದಿನ ಸೀಟಿನಲ್ಲಿ ಕುಳಿತಿದ್ದರಿಂದ ಪ್ರಾಣಕ್ಕೆ ಹಾನಿಯಾಗಿಲ್ಲ. ಟಿಪ್ಪರ್​ ಚಾಲಕ ಬಸವರಾಜ್ ಕದ್ರೊಲ್ಲಿ ಅವರ ಸ್ಥಿತಿ ಗಂಭೀರವಾಗಿದೆ.

https://www.vijayavani.net/dharwad-accident-case-dead-body-interchanged/

https://www.vijayavani.net/dharwad-accident-victim-celebrates-wedding-anniversary-15-days-back/

https://www.vijayavani.net/tipper-tempo-travel-acident-case-13-people-death-in-dharawada/