ಅಯೋಧ್ಯೆಗೆ ಹೊರಟ ಬಸ್​ ಭೀಕರ ಅಪಘಾತ: ಕರ್ನಾಟಕದ ಏಳು ಮಂದಿ ಸಾವು- 9 ಮಂದಿ ಸ್ಥಿತಿ ಗಂಭೀರ

ಲಖೀಂಪುರ (ಉತ್ತರ ಪ್ರದೇಶ): ಉತ್ತರ ಪ್ರದೇಶದ ಬಹರೈಚ್​ ಹಾಗೂ ಲಖೀಂಪುರ ಹೆದ್ದಾರಿಯಲ್ಲಿ ಭೀಕರ ಅಪಘಾತ ಸಂಭವಿಸಿದ್ದು, ಕರ್ನಾಟಕದ ಏಳು ಮಂದಿ ಮೃತಪಟ್ಟಿದ್ದಾರೆ. ಘಟನೆಯಲ್ಲಿ 9 ಮಂದಿಗೆ ಗಂಭೀರ ಗಾಯಗಳಾಗಿವೆ. ಮೃತಪಟ್ಟವರು ಬೀದರ್​ನ ಶಿವಕುಮಾರ್ (೨೮), ಜಗದಂಬಾ(೫೨), ಮನ್ಮಥ(೩೬), ಅನಿಲ್(೩೦), ಸಂತೋಷ, ಶಶಿಕಲಾ(೩೮), ಸರಸ್ವತಿ (೪೭) ಎಂದು ಗುರುತಿಸಲಾಗಿದೆ.

ಕರ್ನಾಟಕದಿಂದ ಹೊರಟ ಪ್ರವಾಸಿ ಬಸ್​ ಇದಾಗಿತ್ತು. ಇದರಲ್ಲಿ 16 ಮಂದಿ ಪ್ರವಾಸಿಗರು ಇದ್ದರು. ಬಹರೈಚ್​ ಹಾಗೂ ಲಖೀಂಪುರ ಹೆದ್ದಾರಿಯ ಬಳಿ ಬಸ್​ ಟ್ರಕ್‍ಗೆ ಡಿಕ್ಕಿ ಹೊಡೆದೆ. ಘಟನೆಯಲ್ಲಿ ಮೂವರು ಮಹಿಳೆಯರು ಮೃತಪಟ್ಟಿದ್ದಾರೆ.

ಮೋತಿಪುರ್ ಪ್ರದೇಶದ ನಾನಿಹಾ ಮಾರುಕಟ್ಟೆಯಲ್ಲಿ ಎದುರಿನ ಲೇನ್‍ಗೆ ಪ್ರವೇಶಿಸಿದಾಗ ಅಪಘಾತ ಸಂಭವಿಸಿದೆ. ಬಸ್​ ಚಾಲಕ ಸೇರಿದಂತೆ ಐವರು ಸ್ಥಳದಲ್ಲೇ ಮೃತಪಟ್ಟರೆ, ಇನ್ನಿಬ್ಬರು ಆಸ್ಪತ್ರೆಗೆ ಸಾಗಿಸುವ ಮಾರ್ಗಮಧ್ಯೆ ಮೃತಪಟ್ಟಿರುವುದಾಗಿ ಹೆಚ್ಚುವರಿ ಪೊಲೀಸ್ ವರಿಷ್ಠಾಧಿಕಾರಿ ಅಶೋಕ್ ಕುಮಾರ್ ತಿಳಿಸಿದ್ದಾರೆ.

ಘಟನೆ ಬಳಿಕ ಟ್ರಕ್ ಚಾಲಕ ಪರಾರಿಯಾಗಿದ್ದಾನೆ. ಪ್ರಕರಣದ ತನಿಖೆ ನಡೆಯುತ್ತಿದೆ. ಉತ್ತರ ಪ್ರದೇಶದ ಮುಖ್ಯಮಂತ್ರಿ ಯೋಗಿ ಆದಿತ್ಯನಾಥ್ ಅವರು ಅಪಘಾತದಲ್ಲಿ ಮೃತಪಟ್ಟವರಿಗೆ ಸಂತಾಪ ಸೂಚಿಸಿದ್ದಾರೆ.

https://www.vijayavani.net/s-conversion-by-muslim-man-widow-complaint/

https://www.vijayavani.net/s-snake-in-shoes-in-tumkur-shocking-video/

https://www.vijayavani.net/s-resignation-by-mukhyamantri-chandru-to-congress/