ಬೆಂಗಳೂರು: ಎಂಥದ್ದೇ ಸನ್ನಿವೇಶ ಬಂದರೂ ವಾರದ ಏಳೂ ದಿನಗಳ ಕಾಲ ಪ್ರತಿನಿತ್ಯವೂ 24 ಗಂಟೆ ಪಾಳಿಯಲ್ಲಿ ವಹಿವಾಟು ನಡೆಸುತ್ತಿದ್ದ ಮಾರುಕಟ್ಟೆ ಶನಿವಾರ ಸೈಲೆಂಟ್ ಆಗಿದೆ. ಲಾಕ್ ಡೌನ್ ಘೋಷಣೆಯಾಗಿದ್ದರೂ ಇಲ್ಲಿ ವಹಿವಾಟು ನಿಂತಿರಲಿಲ್ಲ. ಆದರೆ ಕರೊನಾ ಸನ್ನಿವೇಶಕ್ಕೆ ಯಾವುದೇ ಜಾತಿ, ಸಮುದಾಯದ ಹಂಗಿಲ್ಲದ ಕಾರಣ ಮುಂಜಾಗ್ರತಾ ಕ್ರಮಗಳನ್ನು ತೆಗೆದುಕೊಳ್ಳದ ಪರಿಣಾಮ ಏನೆಂಬುದನ್ನು ಸಾಬೀತುಪಡಿಸಿದೆ. ಈ ಮಾರುಕಟ್ಟೆಗೆ ಇದ್ಯಾವುದೂ ಏನೂ ಅಲ್ಲವೇನೋ ಎಂಬಂತೆ ಕಾರ್ಯಾಚರಿಸುತ್ತಿತ್ತು. ಮುಂಜಾಗ್ರತಾ ಕ್ರಮಕ್ಕೂ ಇಲ್ಲಿ ಇರಲಿಲ್ಲ ಕಿಮ್ಮತ್ತು. ಕೆಲವು ದಿನಗಳಿಂದ ಇದನ್ನೆಲ್ಲ ಗಮನಿಸುತ್ತಿದ್ದ ಸರ್ಕಾರ, ಕೊನೆಗೂ ಶುಕ್ರವಾರ ಗಟ್ಟಿಮನಸ್ಸು ಮಾಡಿ ಧೃಡ ನಿರ್ಧಾರದೊಂದಿಗೆ ಈ ಮಾರುಕಟ್ಟೆಯನ್ನು ಬಂದ್ ಮಾಡಿಸುವ ನಿರ್ಧಾರ ತೆಗೆದುಕೊಂಡಿದೆ.
