ಗ್ರಾಮೀಣ ಒಲಂಫಿಕ್ಸ್ ಆಯೋಜನೆ: ಎಲ್ಲ ಕ್ರೀಡೆಗಳಲ್ಲಿ ಪುರುಷರಷ್ಟೇ ಸಮಾನವಾಗಿ ಮಹಿಳೆಯೂ ಪಾಲ್ಗೊಳ್ಳಬೇಕು ಎಂದು ಉದ್ದೇಶದಿಂದ ಗ್ರಾಮೀಣ ಒಲಂಫಿಕ್ಸ್ ಯೋಜನೆ ರೂಪಿಸಲಾಗಿದೆ, ಬಾಲಕಿಯರು, ಮಹಿಳೆಯರು, ಸ್ವಸಹಾಯ ಸಂಘಗಳ ಸದಸ್ಯರು, ಒಕ್ಕೂಟದ ಮಹಿಳೆಯರು, ಗ್ರಾಮದ ಪುನರ್ವಸತಿ ಕಾರ್ಯಕರ್ತರು, ಅಂಗನವಾಡಿ ಕಾರ್ಯಕರ್ತೆಯರು, ಸಹಾಯಕಿಯರು, ಆಶಾ ಕಾರ್ಯಕರ್ತೆಯರು, ಗ್ರಾಮ ಪಂಚಾಯಿತ ಸಿಬ್ಬಂದಿ, ಶಾಲೆಗಳಲ್ಲಿ ಮಧ್ಯಾಹ್ನ ಬಿಸಿಯೂಟ ತಯಾರಿಸುವ ಸಿಬ್ಬಂದಿ ಭಾಗವಹಿಸಲಿದ್ದಾರೆ. ಈ ಕ್ರೀಡೆಗಳಿಗೆ ಸ್ಥಳೀಯ ಗ್ರಾಮ ಪಂಚಾಯಿತಿ ತನ್ನ ಸ್ವಂತ ಸಂಪನ್ಮೂಲದಿಂದ ಮತ್ತು ಸ್ಥಳೀಯ ಸಂಘ ಸಂಸ್ಥೆಗಳಿಂದ ದೇಣಿಗೆ ಪಡೆದು ಒಲಂಪಿಕ್ಸ್ ಆಯೋಜನೆ ಮಾಡಲಿದೆ.ಕಬ್ಬಡಿ, ಖೋಖೋ, ಕ್ರಿಕೆಟ್, ವಾಲಿಬಾಲ್, ಬ್ಯಾಡ್ಮಿಂಟನ್, ಓಟ, ರೀಲೆ, ಹಗ್ಗ ಜಗ್ಗಾಟ, ಧ್ರೋಬಾಲ್ ಚಿತ್ರಕಲೆ, ರಂಗೋಲಿ, ಪ್ರಬಂಧ, ಕಥೆ ಹೇಳುವುದು, ಭಾಷಣ, ಕವನ ವಚನ ಮತ್ತಿತರ ಕ್ರೀಡಾಚಟುವಟಿಕೆ ನಡೆಯಲಿವೆ.
