ಕಾರವಾರ ಟ್ಯಾಕ್ಸಿ ಚಾಲಕರ ಸಮಸ್ಯೆಯನ್ನು ಗೋವಾ ಸಿಎಂ ಗಮನಕ್ಕೆ ತಂದ ರೂಪಾಲಿ ನಾಯ್ಕ

ಕಾರವಾರಃ ಕಾರವಾರ ತಾಲೂಕಿನ ಟ್ಯಾಕ್ಸಿ ಯೂನಿಯನ್ ನವರು ಬಹುದಿನಗಳಿಂದ ಗೋವಾದಲ್ಲಿ ಎದುರಿಸುತ್ತಿರುವ ಸಮಸ್ಯೆಗಳ ಬಗ್ಗೆ ಬಿಜೆಪಿ ರಾಜ್ಯ ಉಪಾಧ್ಯಕ್ಷೆ, ಮಾಜಿ ಶಾಸಕಿ ರೂಪಾಲಿ ಎಸ್.ನಾಯ್ಕ, ಗೋವಾ ಮುಖ್ಯಮಂತ್ರಿ ಪ್ರಮೋದ ಸಾವಂತ ಅವರ ಜೊತೆ ಚರ್ಚಿಸಿ, ಸಮಸ್ಯೆ ಪರಿಹಾರಕ್ಕೆ ಆಗ್ರಹಿಸಿದರು.

ಟ್ಯಾಕ್ಸಿ ಯೂನಿಯನ್ ನವರು ಎದುರಿಸುತ್ತಿರುವ ಸಮಸ್ಯೆಗಳ ಬಗ್ಗೆ ವಿವರವಾಗಿ ಮಾಹಿತಿ ಪಡೆದ ಮುಖ್ಯಮಂತ್ರಿ ಪ್ರಮೋದ ಸಾವಂತ ಎಲ್ಲ ಸಮಸ್ಯೆಗಳಿಗೂ ಶೀಘ್ರದಲ್ಲಿ ಪರಿಹಾರ ಒದಗಿಸುವುದಾಗಿ ಭರವಸೆ ನೀಡಿದರು. 

ಕಾರವಾರದ ಟ್ಯಾಕ್ಸಿ ಯೂನಿಯನ್ ನವರು, ಗೋವಾ ಸರ್ಕಾರದ ಅಧಿಕಾರಿಗಳು, ಸಾರಿಗೆ ಇಲಾಖೆ ಅಧಿಕಾರಿಗಳು ಮಾತುಕತೆಯ ಸಂದರ್ಭದಲ್ಲಿ ಉಪಸ್ಥಿತರಿದ್ದರು. 

ಕಾರವಾರದ ಟ್ಯಾಕ್ಸಿ ಯೂನಿಯನ್ ಎದುರಿಸುತ್ತಿರುವ ಸಮಸ್ಯೆಗಳ ಪರಿಹಾರಕ್ಕೆ ಪೂರಕವಾಗಿ ಪ್ರತಿಕ್ರಿಯಿಸಿದ ಮುಖ್ಯಮಂತ್ರಿ ಅವರನ್ನು ರೂಪಾಲಿ ಎಸ್.ನಾಯ್ಕ ಅಭಿನಂದಿಸಿದರು.

https://www.vijayavani.net/report-acceptance-meeting-by-kageri