25 ಖಾಸಗಿ ಬಸ್​ಗೆ ಆರ್​ಟಿಒ ಶಾಕ್​

ಆನೇಕಲ್ : ತೆರಿಗೆ ವಂಚಿಸಿ ಸಂಚರಿಸುತ್ತಿದ್ದ ಸುಮಾರಿ 25 ಖಾಸಗಿ ಬಸ್​ಗಳನ್ನು ಶುಕ್ರವಾರ ಬೆಳಂಬೆಳಗ್ಗೆ ವಶಪಡಿಸಿಕೊಂಡಿರುವ ಸಾರಿಗೆ ಸಾರಿಗೆ ಇಲಾಖೆ ಅಧಿಕಾರಿಗಳು, 44 ಲ ರೂ. ತೆರಿಗೆ ಪಾವತಿಸುವಂತೆ ನೋಟಿಸ್​ ನೀಡಿದ್ದಾರೆ. ಹೊಸೂರು&ಬೆಂಗಳೂರು ಮುಖ್ಯ ರಸ್ತೆಯ ರಾಜ್ಯದ ಗಡಿ ಅತ್ತಿಬೆಲೆಯಲ್ಲಿ ಸಾರಿಗೆ ಇಲಾಖೆ ಜಂಟಿ ಆಯುಕ್ತರಾದ ಶೋಭಾ ಹಾಗೂ ಗಾಯತ್ರಿ ನೇ.ಸಾಯಿ ಪ್ರಸಾದ್​ ನೇತೃತ್ವದಲ್ಲಿ 15ಕ್ಕೂ ಹೆಚ್ಚು ಆರ್​ಟಿಒ ಅಧಿಕಾರಿಗಳು ಕಾರ್ಯಾಚರಣೆ ಕೈಗೊಂಡು ತಮಿಳುನಾಡು ಹಾಗೂ ನಾಗಾಲ್ಯಾಂಡ್​ ಆರ್​ಟಿಒದಲ್ಲಿ ನೋಂದಣಿಯಾಗಿದ್ದ ಬಸ್​ಗಳನ್ನು ವಶಕ್ಕೆ ಪಡೆದು, ಅತ್ತಿಬೆಲೆ ಆರ್​ಟಿಒ ಕಚೇರಿಗೆ ತಂದು ನಿಲ್ಲಿಸಿದರು.

ತಮಿಳುನಾಡು ಮಾರ್ಗವಾಗಿ ರಾಜ್ಯಕ್ಕೆ ಬರುತ್ತಿದ್ದ ಬಸ್​ಗಳ ಪರಿಶೀಲನೆ ವೇಳೆ ಕರ್ನಾಟಕಕ್ಕೆ ತೆರಿಗೆ ವಂಚಿರುವುದು ಬೆಳಕಿಗೆ ಬಂದ ಹಿನ್ನೆಲೆಯಲ್ಲಿ ಬಸ್​ಗಳನ್ನು ವಶಕ್ಕೆ ಪಡೆಯಲಾಯಿತು. ಕೆಲವು ಮಾಲೀಕರು ತೆರಿಗೆ ಕಟ್ಟಿ ಬಸ್​ಗಳನ್ನು ವಾಪಸ್​ ಪಡೆದರು. ಅಪರ ಸಾರಿಗೆ ಆಯುಕ್ತೆ ಓಂಕಾರೇಶ್ವರಿ, ಪ್ರಾದೇಶಿಕ ಸಾರಿಗೆ ಅಧಿಕಾರಿ ಕೃಷ್ಣಾನಂದ, ಸಿಪಿಐ ಪುಟ್ಟಸ್ವಾಮಿ, ರಂಜಿತ್​, ಸುಧಾಕರ್​, ಅಸಾದುಲ್ಲ ಬೇಗ್​ ಸೇರಿ ಹಲವು ಅಧಿಕಾರಿಗಳು ಕಾರ್ಯಾಚರಣೆಯಲ್ಲಿ ಭಾಗಿಯಾಗಿದ್ದರು. ಪ್ರಯಾಣಿಕರಿಗೆ ತೊಂದರೆಯಾಗದಂತೆ ಬಿಎಂಟಿಸಿ, ಕೆಎಸ್​ಆರ್​ಟಿಸಿ ಬಸ್​ಗಳನ್ನು ಪರ್ಯಾಯವಾಗಿ ವ್ಯವಸ್ಥೆ ಮಾಡಲಾಗಿತ್ತು.