ನಗರದ ಬಸವನಹಳ್ಳಿ ಕೆರೆ ಅಭಿವೃದ್ಧಿ ಕಾಮಗಾರಿ ಕೈಗೊಳ್ಳಲು ಒಟ್ಟು 36 ಕೋಟಿ ರೂ. ಅಂದಾಜು ವೆಚ್ಚದಲ್ಲಿ ಬೆಂಗಳೂರಿನ ಮೆ.ಟೆರಾ ಫಾರ್ಮಾ ಸಮಾಲೋಚನಾ ಸಂಸ್ಥೆ ಯೋಜನಾ ವರದಿ ಸಿದ್ಧಪಡಿಸಿ ಸರ್ಕಾರಕ್ಕೆ ಸಲ್ಲಿಸಿದೆ. ಅದರಂತೆ ಬಸವನಹಳ್ಳಿ ಕೆರೆಯ ಏರಿ ಅಗಲೀಕರಿಸಿ ಸದೃಢಗೊಳಿಸುವುದು, ದ್ವೀಪ ಪ್ರದೇಶ ಅಭಿವೃದ್ಧಿಪಡಿಸಿ ವಿವೇಕಾನಂದ ಪ್ರತಿಮೆ ನಿರ್ಮಿಸುವುದು, ಕೆರೆಯ ನೀರನ್ನು ಶುದ್ಧೀಕರಿಸಿ ಕೆರೆ ಪ್ರವೇಶಿಸುತ್ತಿರುವ ನಗರದ ಕೊಳಚೆ ನೀರು ತಡೆಯಲು ಎಸ್ಟಿಪಿ ಅಳಡಿಸುವುದು, ಫುಡ್ ಕೋರ್ಟ್, ಸ್ವಾಗತ ಕಮಾನು, ಎಂಟ್ರಿ ಫ್ಲಾಜಾ, ಜಿಮ್, ಜಾಗಿಂಗ್ ಟ್ರ್ಯಾಕ್, ಸೈಕಲ್ ಟ್ರ್ಯಾಕ್, ಕೆಫೆಟೇರಿಯಾ, ಮಕ್ಕಳ ಉದ್ಯಾನ ಅಂಪೀಥಿಯೇಟರ್, ವಾಹನ ನಿಲ್ದಾಣ, ಜಲಕ್ರೀಡೆ ಮತ್ತು ಉದ್ಯಾನ, ಮಳಿಗೆಗೆ ಸಮುಚ್ಛಯ, ಹೈಮಾಸ್ಟ್ ಲೈಟಿಂಗ್, ಕುಡಿಯುವ ನೀರು, ಶೌಚಾಲಯ, ಬೋಟ್ ಜೆಟ್ಟಿ, ಕಲಾಕೃತಿಗಳ ಪ್ರದರ್ಶನದ ಆವರಣ, ಟಿಕೆಟಿಂಗ್ ಬ್ಲಾಕ್ ವಿವಿಧೋದ್ಧೇಶ ಸಾಂಸ್ಕøತಿಕ ಕೇಂದ್ರ ನಿರ್ಮಾಣ ಇತ್ಯಾದಿ ಯೋಜನಾ ವರದಿಯಲ್ಲಿ ಸೇರಿವೆ ಎಂದು ಅವರು ತಿಳಿಸಿದ್ದಾರೆ.
