ಅದರಂತೆ ಅವರ ಮಗ ಬೈಕ್ ಖರೀದಿಸಲು ಒಪ್ಪಿದ್ದು, ಪಾಷಾ 57 ಸಾವಿರ ರೂ. ಮುಂಗಡ ಕೊಡಬೇಕು ಎಂದು ಕೇಳಿದ್ದಾನೆ. ಅದರಂತೆ ಫೆ.18ರಂದು 57 ಸಾವಿರ ರೂ. ಹಣವನ್ನು ವರ್ಗಾಯಿಸಿದ್ದಾರೆ. ಬಳಿಕ ಆರೋಪಿಯು ತಿಳಿಸಿದಂತೆ ವಿವಿಧ ಖಾತೆಗಳಿಗೆ ಮಾ.4ರಿಂದ 5,58,710 ರೂ. ವರ್ಗಾವಣೆ ಮಾಡಿದ್ದಾರೆ. ಅನಂತರವೂ ಆತ ಹೆಚ್ಚಿನ ಹಣ ವರ್ಗಾಯಿಸುವಂತೆ ದೂರುದಾರರ ಮಗನಲ್ಲಿ ತಿಳಿಸಿದ್ದಾನೆ. ಆಗ ಬೈಕ್ ಮತ್ತು ಹಣದ ಕುರಿತು ವಿಚಾರಿಸಿದಾಗ ಅವಾಚ್ಯ ಶಬ್ದಗಳಿಂದ ಬೈದು ಹಾಗೂ ನಾನು ಯಾರು ಎಂದು ನಿಮಗೆ ತೋರಿಸುತ್ತೇನೆ ಎಂದು ಜೀವ ಬೆದರಿಕೆ ಹಾಕಿದ್ದಾನೆ. ಬಳಿಕ ಬೈಕ್ ಕೊಡದೆ ಹಾಗೂ ಹಣವನ್ನೂ ವಾಪಾಸು ನೀಡದೆ ವಂಚಿಸಿದ್ದಾನೆ ಎಂದು ದೂರಿನಲ್ಲಿ ತಿಳಿಸಿದ್ದಾರೆ.
