ಥೀಮ್​ ಪಾರ್ಕ್​ ನಿರ್ಮಾಣಕ್ಕೆ 30 ಕೋಟಿ ರೂ. ಅನುಮೋದನೆ

ಥೀಮ್​ ಪಾರ್ಕ್​ ನಿರ್ಮಾಣಕ್ಕೆ 30 ಕೋಟಿ ರೂ. ಅನುಮೋದನೆ

ಚನ್ನಮ್ಮನ ಕಿತ್ತೂರು: ಪಟ್ಟಣದ ಸರ್ವಾಂಗೀಣ ಅಭಿವೃದ್ಧಿಯ ಕನಸು ನನಸಾಗುವ ಕಾಲ ಸನ್ನಿಹಿತವಾಗಿದೆ. ಕೋಟೆಯ ಮಧ್ಯಭಾಗದಲ್ಲಿರುವ 7 ಎಕರೆ ತೋಟದ ಜಾಗದಲ್ಲಿ ಥೀಮ್​ ಪಾರ್ಕ್​ ನಿರ್ಮಾಣಕ್ಕೆ ಗುರುವಾರ ಸಚಿವ ಸಂಪುಟದಲ್ಲಿ 30 ಕೋಟಿ ರೂಪಾಯಿ ಅನುಮೋದನೆ ನೀಡಲಾಗಿದೆ. ಕಿತ್ತೂರಿನ ರಾಜ್ಯ ವೈಭವ ಹಾಗೂ ಯುದ್ಧದ ಸನ್ನಿವೇಶಗಳು ನಿರ್ಮಾಣವಾಗಲಿದ್ದು, ಸಂಗೊಳ್ಳಿ ರಾಯಣ್ಣ ರಾಕ್​ ಗಾರ್ಡನ್​ಕ್ಕಿಂತ ವಿಭಿನ್ನವಾಗಿರಲಿದ್ದು, ಪ್ರವಾಸಿಗರನ್ನು ರಂಜಿಸಲಿದೆ.

ಶತಕಗಳಿಂದ ಅಭಿವೃದ್ಧಿ ವಂಚಿತ ಕಿತ್ತೂರು ಕೋಟೆಗೆ ಅಭಿವೃದ್ಧಿ ಭಾಗ್ಯ ಬಂದಿರುವುದು ನಾಡಿನ ಜನರಲ್ಲಿ ಸಂತಸ ತಂದಿದೆ. ಈಗಾಗಲೇ ಕೋಟೆಯ ಆವರಣ ಹಾಗೂ ಅರಮನೆಗೆ ತವೈಭವದ ಸುಂದರ ಸ್ಪರ್ಶ ನೀಡುತ್ತಿರುವ ಕಾಮಗಾರಿ ಕೆಲಸ ಪ್ರಗತಿಯಲ್ಲಿದೆ. ಜತೆಗೆ ಥೀಮ್​ ಪಾರ್ಕ್​ ಸ್ವಾತಂತ್ರ್ಯದ ಕಿಡಿ ಹೊತ್ತಿಸಿದ ರಾಣಿ ಚನ್ನಮ್ಮ ಹಾಗೂ ವೀರರ ಪರಾಕ್ರಮದ ಇತಿಹಾಸ ಪ್ರವಾಸಿಗರಿಗೆ ಸಾರಿ ಹೇಳಲಿದೆ. ಒಟ್ಟಿನಲ್ಲಿ ಶಾಸಕ ಬಾಬಾಸಾಹೇಬ ಪಾಟೀಲ ಹಲವು ಯೋಜನೆಗಳ ಮೂಲಕ ನಾಡಿನ ಅಭಿವದ್ಧಿಗೆ ಮುಂದಾಗಿರುವುದು ಜನರಲ್ಲಿ ಹೊಸ ಭರವಸೆ ಮೂಡಿಸಿದೆ.