ಸೀತಿ ದೇಗುಲದಲ್ಲಿ 20 ಲಕ್ಷ ರೂ. ಸಂಗ್ರಹ

ಕದರೀಪುರ; ಕೋಲಾರ ತಾಲೂಕು ವೇಮಗಲ್​ ಹೋಬಳಿಯ ಸೀತಿ ಗ್ರಾಮದ ಪುರಾಣ ಪ್ರಸಿದ್ಧ, ಮುಜುರಾಯಿ ಮತ್ತು ಧಾರ್ಮಿಕ ದತ್ತಿ ಇಲಾಖೆ ವ್ಯಾಪ್ತಿಯ ಶ್ರೀ ಸೀತಿಭೈರವೇಶ್ವರ ಹಾಗೂ ಶ್ರೀಪತೇಶ್ವರ ಸ್ವಾಮಿ ದೇವಾಲಯದ ಹುಂಡಿಗಳನ್ನು ಬುಧವಾರ ಎಣಿಸಲಾಗಿದ್ದು, 20,18,182 ರೂ. ಸಂಗ್ರಹವಾಗಿದೆ.

ಸೀತಿ ಜಾತ್ರಾ ಮಹೋತ್ಸವ ಏಪ್ರಿಲ್​ತಿಂಗಳಲ್ಲಿ ನಡೆಯಲಿದ್ದು, 3 ತಿಂಗಳಿಗೊಮ್ಮೆ ಹುಂಡಿ ಎಣಿಕೆ ನಡೆಯುತ್ತಿತ್ತು. ಜಾತ್ರೆ ಸಮೀಪಿಸುತ್ತಿರುವ ಕಾರಣ 2 ತಿಂಗಳ ಅಂತರದಲ್ಲಿ ಹುಂಡಿ ಎಣಿಕೆ ಮಾಡಲಾಯಿತು.

ಹುಂಡಿಯಲ್ಲಿ ಸಂಗ್ರಹವಾದ ಹಣವನ್ನು ದೇವಾಲಯದ ಕೆನರಾ ಬ್ಯಾಂಕ್​ ಖಾತೆಗೆ ಜಮೆ ಮಾಡಲಾಯಿತು.

ದೇವಾಲಯದ ಕಾರ್ಯನಿರ್ವಾಹಕ ಅಧಿಕಾರಿ ಸುಬ್ರಹ್ಮಣಿ, ಪಾರುಪತ್ತೇದಾರ ವೆಂಕಟೇಶ್​, ಗಣಕಯಂತ್ರ ನಿರ್ವಾಹಕಿ ನಿರ್ಮಲ, ಮದ್ದೇರಿ ಕೆನರಾ ಬ್ಯಾಂಕ್​ ಮುಖ್ಯವ್ಯವಸ್ಥಾಪಕ ಇಂದ್ರಜಿತ್​ ಸಿಂಗ್​, ಸಿಬ್ಬಂದಿ ಮಂಜುನಾಥ್​, ರಾಜೇಶ್​ ಬಾಬು, ಚಂಜಿಮಲೆ ಮುನೇಗೌಡ, ವೇಮಗಲ್​ ಪೊಲೀಸ್​ ಠಾಣೆ ಸಿಬ್ಬಂದಿ ಕಂದಾಯ ಇಲಾಖೆಯ ಗ್ರಾಮ ಲೆಕ್ಕಧಿಕಾರಿಗಳು, ಗ್ರಾಮ ಸಹಾಯಕರು, ಸ್ವಯಂ ಸೇವಕರು, ದೇವಾಲಯದ ಸಿಬ್ಬಂದಿ ಇದ್ದರು.