ಯುಜಿಡಿಗೆ 128.74 ಕೋಟಿ ರೂ. ಅನುಮೋದನೆ

ಚನ್ನಪಟ್ಟಣ: ಅಂತೂ.. ಇಂತೂ.., ನಗರದ ಯುಜಿಡಿ ಯೋಜನೆಗೆ ಕಾಲ ಕೂಡಿ ಬಂದಿದ್ದು, 2ನೇ ಹಂತದ ಕಾಮಗಾರಿಗೆ ಈ ಹಿಂದಿನ 94 ಕೋಟಿ ರೂ. ಸೇರಿ ವಿಸ್ತ್ರತ ಯೋಜನೆಗೆ 128.74 ಕೋಟಿ ರೂ. ಪರಿಷತ ಅನುದಾನಕ್ಕೆ ಸರ್ಕಾರದಿಂದ ಆಡಳಿತಾತ್ಮಕ ಅನುಮೋದನೆ ನೀಡಲಾಗಿದೆ.

ಕಳೆದ 15 ವರ್ಷಗಳಿಂದ ಯುಜಿಡಿ ಯೋಜನೆ ನನೆಗುದಿಗೆ ಬಿದ್ದಿತ್ತು. ಮೊದಲ ಹಂತದಲ್ಲಿ ಕೇವಲ ಪೈಪ್​ಲೈನ್​ ಕಾಮಗಾರಿ ಮಾತ್ರ ಮಾಡಲಾಗಿದ್ದು, ಎರಡನೇ ಹಂತದಲ್ಲಿ ಎಸ್​ಟಿಪಿ ಟಕ, ವೆಟ್​ವೆಲ್​ ನಿರ್ಮಾಣ ಹಾಗೂ ಹೆಚ್ಚುವರಿ ಪೈಪ್​ಲೈನ್​ಗೆ ಅನುದಾನದ ಅವಶ್ಯಕತೆ ಇತ್ತು. ಈ ಹಿನ್ನೆಲೆಯಲ್ಲಿ ಅಂದಿನ ಸಿಎಂ ಬಸವರಾಜ್​ ಬೊಮ್ಮಾಯಿ ಅವರ ಬಿಜೆಪಿ ಸರ್ಕಾರದಲ್ಲಿ ಯೋಗೇಶ್ವರ್​ ಎಂಎಲ್​ಸಿ ಆಗಿದ್ದ ವೇಳೆ 94 ಕೋಟಿ ರೂ. ಅನುದಾನ ಬಿಡುಗಡೆಯಾಗಿತ್ತು. ಆದರೆ ಅನುದಾನವನ್ನು ಅಂದಿನ ಶಾಸಕ ಎಚ್​.ಡಿ.ಕುಮಾರಸ್ವಾಮಿ ""ನಾ ತಂದಿರುವುದಾಗಿ ಎಂದೂ.., ಸಿ.ಪಿ.ಯೋಗೇಶ್ವರ್​ ತಾವು ತಂದಿರುವುದು ಎಂತಲೂ ಕ್ರೆಡಿಟ್​ವಾರ್​ ಸಹ ನಡೆಸಿದ್ದರು. ಆದರೆ, ಇದೀಗ ಎರಡನೇ ಹಂತದ ಕಾಮಗಾರಿಗೆ ಹೆಚ್ಚುವರಿ ಅನುದಾನಕ್ಕೆ ಬೇಡಿಕೆಯಿಟ್ಟಿದ್ದ ಸಿ.ಪಿ.ಯೋಗೇಶ್ವರ್​ ಕ್ರಿಯಾಯೋಜನೆಗೆ ಸರ್ಕಾರದಿಂದ 128.74 ಕೋಟಿ ರೂ. ಅನುದಾನ ನೀಡಲು ಆಡಳಿತಾತ್ಮಕ ಅನುಮೋದನೆ ನೀಡಿದೆ.

ಎಸ್​ಟಿಪಿ ಲ್ಯಾಂಡ್​ ಸ್ವಾಧಿನಕ್ಕೆ ಕ್ರಮ ಯುಜಿಡಿಯ ಎರಡನೇ ಹಂತದ ಕಾಮಗಾರಿಗೆ ಈಗಾಗಲೇ 94 ಕೋಟಿ ರೂ. ಮಂಜೂರಾಗಿದ್ದು, ಟೆಂಡರ್​ ಪ್ರಕ್ರಿಯೆ ಸಹ ನಡೆದಿತ್ತು. ಆದರೆ, ಯುಜಿಡಿಯಲ್ಲಿ ಬರುವ ವಿಶೇಷ ತ್ಯಾಜ್ಯ ನೀರು ಸಂಸ್ಕರಣಾ ಟಕ (ಎಸ್​ಟಿಪಿ) ನಿರ್ಮಾಣ ಮಾಡಲು 2015ರಲ್ಲಿ ಕೂಡ್ಲೂರು ಬಳಿ ನಗರಸಭೆಯಿಂದ ಖರೀದಿಸಿದ್ದ ಜಮೀನಿನಲ್ಲಿ ಎಸ್​ಟಿಪಿ ಟಕ ನಿರ್ಮಾಣ ಮಾಡಲು ಸಮಸ್ಯೆ ಆಗಿತ್ತು. ಈ ನಿಟ್ಟಿನಲ್ಲಿ 11 ಕೋಟಿ ರೂ. ವೆಚ್ಚದಲ್ಲಿ ನಗರ ಪ್ರದೇಶದಲ್ಲೆ ಎಸ್​ಟಿಪಿ ಟಕ ನಿರ್ಮಾಣಕ್ಕೆ ಅಗತ್ಯ ಜಮೀನು ಭೂಸ್ವಾಧಿನ ಮಾಡುವ ಪ್ರಕ್ರಿಯೆಗೆ ಶಾಸಕ ಸಿ.ಪಿ.ಯೋಗೇಶ್ವರ್​ ಕ್ರಮ ಕೈಗೊಂಡು, ಭೂಸ್ವಾಧಿನ ಹಾಗೂ ಪೈಪ್​ಪೈನ್​ ಸೇರಿ 94 ಕೋಟಿ ರೂ. ಅನುದಾನದ ಜತೆಗೆ ಹೆಚ್ಚುವರಿಯಾಗಿ ಕ್ರಿಯಾಯೋಜನೆಯ ಪ್ರಸ್ತಾವನೆಯನ್ನು ಸರ್ಕಾರಕ್ಕೆ ಕಳುಹಿಸಿದ್ದರು. ಇದೀಗ, ಸರ್ಕಾರದಮಟ್ಟದಲ್ಲಿ ಒತ್ತಡ ಹಾಕಿಸಿ ಆಡಳಿತಾತ್ಮಕ ಅನುಮೋದನೆ ಪಡೆಯುವಲ್ಲಿ ಯಶಸ್ವಿಯಾಗಿದ್ದಾರೆ.