ಮಲ್ಲಿಗೆ ಕೃಷಿಗೂ ಹಾನಿ: ನಿತ್ಯ ಮೋಡ ಕವಿದ ವಾತಾವರಣ ಮತ್ತು ಅತೀವ ಮಳೆಯ ಕಾರಣದಿಂದಾಗಿ ಶಂಕರಪುರ ಪ್ರದೇಶದಲ್ಲಿ ಮಲ್ಲಿಗೆ ಹೂವಿನ ಗಿಡಗಳಿಗೂ ಹಾನಿಯಾಗಿದ್ದು, ಮಳೆ ನೀರಿಗೆ ಗಿಡಗಳು ಕೊಳೆತು ಇಳುವರಿ ಕುಂಠಿತವಾಗಿದೆ. ಪರಿಣಾಮ, ಮಲ್ಲಿಗೆ ಕೃಷಿಯನ್ನೇ ನಂಬಿದ್ದ ಶಿರ್ವ, ಶಂಕರಪುರ, ಕಟಪಾಡಿ, ಬೆಳ್ಮಣ್ ಮುಂತಾದ ಕಡೆಯ ನೂರಾರು ಮಲ್ಲಿಗೆ ಕೃಷಿಕರು ಕಂಗಾಲಾಗಿದ್ದಾರೆ. ಕರೊನಾ ಮುಷ್ಟಿ ಸಡಿಲಗೊಂಡ ಬಳಿಕ ಶುಭ ಸಮಾರಂಭಗಳು ಚುರುಕು ಪಡೆದಿರುವ ಈ ಹೊತ್ತಿನಲ್ಲಿ ಅಕಾಲಿಕ ಮಳೆಯ ಕಾಟದಿಂದ ಇದ್ದ ಬೆಳೆಯೂ ನಷ್ಟವಾಗುತ್ತಿದೆ. ನಮಗೆ ಸೂಕ್ತ ಪರಿಹಾರ ನೀಡಬೇಕು ಎಂದು ಇಲಾಖೆಗೆ ಬೆಳೆಗಾರರು ಮನವಿ ಮಾಡಿದ್ದಾರೆ. ‘ಲಾಕ್ಡೌನ್ ಹೊಡೆತದ ಬಳಿಕ ಮಳೆಯ ಪ್ರಹಾರದಿಂದಾಗಿ ಮಲ್ಲಿಗೆ ಹೂವಿನ ಇಳುವರಿಯಿಲ್ಲದೆ ಜೀವನೋಪಾಯಕ್ಕೆ ತೊಂದರೆಯಾಗಿದೆ’ ಎಂದು ಮಲ್ಲಿಗೆ ಕೃಷಿಕ ರೋನಿ ಫರ್ನಾಂಡಿಸ್ ಪ್ರತಿಕ್ರಿಯಿಸಿದ್ದಾರೆ.
