ಸಮಾಜ ಸೇವೆಯಿಂದ ಜನಮನ ಗೆದ್ದ ರೋಟರಿ

ವಿಜಯಪುರ : ರೋಟರಿ ಸಂಸ್ಥೆಯು ಆರೋಗ್ಯ, ಶೈಕ್ಷಣಿಕ, ಕ್ರೀಡಾ ಸೇರಿ ಹಲವು ಸಾಮಾಜಿಕ ಸೇವೆ ಮಾಡುತ್ತಿದ್ದು, ತನ್ನ ಸೇವಾ ಕಾರ್ಯಗಳಿಂದ ಲಾಂತರ ಜನರ ಹೃದಯ ಮುಟ್ಟಿದೆ ಎಂದು ರೋಟರಿ ಸಂಸ್ಥೆಯ ಜಿಲ್ಲೆ 3190ನ ಮಾಜಿ ಜಿಲ್ಲಾ ಪ್ರಾಂತಪಾಲ ಕೆ.ಎಸ್​.ನಾಗೇಂದ್ರ ತಿಳಿಸಿದರು.

ಪಟ್ಟಣದ ಸುಬ್ಬಮ್ಮ ಚೆನ್ನಪ್ಪ ಸಮುದಾಯ ಭವನದಲ್ಲಿ ಆಯೋಜಿಸಿದ್ದ ರೋಟರಿ ಸಂಸ್ಥೆಯ ವಿಜಯಪುರ ಕ್ಲಬ್​ ನೂತನ ಪದಾಧಿಕಾರಿಗಳ ಪದವಿ ಸ್ವೀಕಾರ ಸಮಾರಂಭದಲ್ಲಿ ಮಾತನಾಡಿದರು. ಹಲವು ಸರ್ಕಾರಿ ಶಾಲೆ ಮಕ್ಕಳಿಗೆ ನೋಟ್​ ಪುಸ್ತಕ ವಿತರಿಸುವುದರ ಜತೆಗೆ 7 ಹಾಗೂ 10ನೇ ತರಗತಿಯಲ್ಲಿ ಹೆಚ್ಚು ಅಂಕ ಗಳಿಸಿದ ವಿದ್ಯಾರ್ಥಿಗಳಿಗೆ ನಗದು ಬಹುಮಾನ ನೀಡಿ ಪುರಸ್ಕರಿಸಲಾಯಿತು. ಆರೋಗ್ಯ ಸಮಸ್ಯೆಯಿಂದ ಬಳಲುತ್ತಿರುವವರಿಗೆ ಮೆಡಿಕಲ್​ ಕಿಟ್​ಗಳನ್ನು ವಿತರಿಸಲಾಯಿತು. ಸಹಾಯಕ ಪ್ರಾಂತಪಾಲ ಎಂ.ಶ್ರೀನಿವಾಸ ಅವರು ರೋಟರಿ ಕ್ಲಬ್​ನ ಬುಲೆಟಿನ್​ ವಿಜಯ ಪತ್ರಿಕೆ ಬಿಡುಗಡೆ ಮಾಡಿದರು. ರೋಟರಿ ಸಂಸ್ಥೆಗೆ ನೂತನ ಸದಸ್ಯರಾಗಿ ಪುರಸಭಾ ಸದಸ್ಯೆ ಶಿಲ್ಪಾ ಅಜಿತ್​, ಪೂಜಾ ಪುನೀತ್​, ನಂದಿನಿ ಅಶೋಕ್​ ಕುಮಾರ್​, ಚಂದನ್​ ಸೇರ್ಪಡೆಗೊಂಡರು.

ನೂತನ ಪದಾಧಿಕಾರಿಗಳು: ಅಧ್ಯಕ್ಷರಾಗಿ ಎರಡನೆಯ ಬಾರಿಗೆ ಚ.ವಿಜಯ ಬಾಬು, ಕಾರ್ಯದರ್ಶಿಯಾಗಿ ಸಿ.ಅಶೋಕ್​ ಕುಮಾರ್​, ನಿಯೋಜಿತ ಅಧ್ಯಕ್ಷರಾಗಿ ಎಸ್​.ಪುನೀತ್​ ಕುಮಾರ್​, ಕಾರ್ಯನಿರ್ವಾಹಕ ಕಾರ್ಯದರ್ಶಿಯಾಗಿ ಶೈಲೇಂದ್ರ ಕುಮಾರ್​, ಖಜಾಂಚಿ ಎನ್​.ಕಿರಣ್​, ಸಾರ್ಜೆಂಟ್​ ಅಟ್​ ಆಮ್ಸ್​ರ್ ವಿ.ಯತೀಶ್​, ಸಂ ಸೇವೆ ನಿರ್ದೇಶಕರಾಗಿ ವಿಎಸ್​.ರವಿ, ಸಮುದಾಯ ಸೇವೆ ನಿರ್ದೇಶಕ ಡಾ.ಜಿ.ಎಸ್​.ಗುರುದತ್​, ವೃತ್ತಿ ಸೇವೆ ನಿರ್ದೇಶಕರಾಗಿ ಎ.ಎಂ.ಮಂಜುಳಾ, ಅಂತಾರಾಷ್ಟ್ರೀಯ ಸೇವೆ ನಿರ್ದೇಶಕರಾಗಿ ಸಿ.ಸುರೇಶ್​, ಯುವಜನ ಸೇವೆ ನಿರ್ದೇಶಕರಾಗಿ ಬಿ.ನರೇಂದ್ರ, ಸದಸ್ಯತ್ವ ಅಭಿಯಾನದ ನಿರ್ದೇಶಕ ಎನ್​.ರುದ್ರಮೂರ್ತಿ, ಟೀಚ್​ ಮಿಷನ್​ ನಿರ್ದೇಶಕ ಬಿಸಿ.ಸಿದ್ದರಾಜು, ಸಾರ್ವಜನಿಕ ಚಿತ್ರಣ ನಿರ್ದೇಶಕ ಡಾ.ಜಿ.ಅಂಬರೀಶ್​, ಪೋಲಿಯೋ ಪ್ಲಸ್​ ಸದಸ್ಯರಾಗಿ ಎಸ್​.ಬಸವರಾಜು, ಟಿಆರ್​ಎ್​ ನಿರ್ದೇಶಕರಾಗಿ ಸಿ.ನವೀನ್​, ಬುಲೆಟಿನ್​ ಸಂಪಾದಕರಾಗಿ ಬಿ.ವಿನಯ್​ ನೇಮಕವಾದರು.