ಮದನ್ ಕುಟುಂಬ ಸಮೇತರಾಗಿ ಹೊಸೂರಿನಲ್ಲಿರುವ ತಮ್ಮ ಫಾರಂ ಹೌಸ್ಗೆ ಹೋಗಿದ್ದರು. ಪುತ್ರಿ ಮಾತ್ರ ಮನೆಯಲ್ಲೇ ಇದ್ದಳು. ಮದನ್ ಮನೆಯ ನೆಲ ಮಹಡಿಯಲ್ಲಿ ವಾಸಿಸುತ್ತಿದ್ದ ನೇಪಾಳ ಮೂಲದ 3 ಮಂದಿ ಮನೆ ಕೆಲಸದವರು ಭಾನುವಾರ ಬೆಳಗಿನ ಜಾವ 5 ಗಂಟೆಗೆ ಮನೆ ಕೆಲಸದವರು ಮೊದಲ ಮಹಡಿಯಲ್ಲಿದ್ದ ತಿಜೋರಿಯಲ್ಲಿಟ್ಟಿದ್ದ ಹಣ ಕದಿಯುತ್ತಿದ್ದರು. ಶಬ್ದ ಕೇಳಿ ಮದನ್ ರೆಡ್ಡಿ ಪುತ್ರಿ ಬಂದು ನೋಡಿದಾಗ ಮನೆ ಕೆಲಸದವರು ಕಳ್ಳತನ ಮಾಡುತ್ತಿರುವುದು ಕಂಡು ಬಂದಿತ್ತು. ಆಕೆ ಜೋರಾಗಿ ಕಿರುಚಿದಾಗ, ಕೆಲಸಗಾರರು ಬೆದರಿಸಿ ಮನೆಯಲ್ಲಿದ್ದ 6 ಲಕ್ಷ ರೂ. ಹಾಗೂ ಚಿನ್ನಾಭರಣ ಸಮೇತ ಪರಾರಿಯಾಗಿದ್ದರು. ಮನೆಕೆಲಸದವರು ಲಾಕರ್ ಒಡೆದಿರಲಿಲ್ಲ. ಅದರಲ್ಲಿ ಲಕ್ಷಾಂತರ ರೂ. ಮೌಲ್ಯದ ಚಿನ್ನಾಭರಣವಿತ್ತು ಎನ್ನಲಾಗಿದೆ.
