ಬೆಳಗ್ಗೆ ಏಳು ಗಂಟೆ ವೇಳೆಗೆ ಮೇಲ್ಗಡೆಯಿದ್ದ ವಿಜಯಕುಮಾರ ಪುತ್ರ ಸಚಿನ್ ಕೆಳಗಿಳಿದು ಬಂದಾಗ ತಮ್ಮ ತಂದೆ-ತಾಯಿನ್ನು ಕೊಠಡಿಯೊಂದರಲ್ಲಿ ಕಟ್ಟಿಹಾಕಿರುವುದನ್ನು ನೋಡಿದ್ದಾರೆ. ಆಗ ದರೋಡೆ ನಡೆದಿರುವು ವಿಷಯ ಬಯಲಾಗಿದೆ. ಘಟನಾ ಸ್ಥಳಕ್ಕೆ ಹುಬ್ಬಳ್ಳಿ-ಧಾರವಾಡ ಪೊಲೀಸ್ ಆಯುಕ್ತ ಎನ್. ಶಶಿಕುಮಾರ ಭೇಟಿ ನೀಡಿ ಪರಿಶೀಲಿಸಿ, ‘ದರೋಡೆಕೋರರ ತಂಡ ಮನೆಯಲ್ಲಿದ್ದವರನ್ನು ಕೂಡಿ ಹಾಕಿದೆ. ಯಾವ ವಸ್ತುಗಳು ಕಳವಾಗಿವೆ ಗೊತ್ತಿಲ್ಲ. ಸಿಸಿ ಕ್ಯಾಮರಾ ಫುಟೇಜ್ ಸಿಕ್ಕಿದೆ. ವಿದ್ಯಾಗಿರಿ ಮತ್ತು ಗೋಕುಲ ರೋಡ್ನಲ್ಲಿ ಇದೇ ರೀತಿಯ ಘಟನೆ ನಡೆದಿತ್ತು. ಇಲ್ಲಿ ದರೋಡೆ ನಡೆಸಿದ ತಂಡ ಯವುದು ? ಎಂದು ಪತ್ತೆ ಹಚ್ಚಲಾಗುವುದು. ಪತ್ತೆಗಾಗಿ ಎರಡು ವಿಶೇಷ ತಂಡ ರಚಿಸಲಾಗಿದೆ’ ಎಂದರು.
